ریڈیو زْرمبش بلوچی | ریڈیو زْرمبش بلوچی

بلوچ راجی زْرمبشت ( بی این ایم ) ءِ سرکماش ڈاکٹر نسیم ءَ ماں چاگردی رسانکدر ٹویٹر ءَ رُژن ء کندیل شھمیریں سبا دشتیاری ءِ شھیدی ءِ سالروچ ءِ درگت ءَ وتی جتائیں ٹویٹاں نبشتگ کہ پاکستان ءَ سبا دشتیاری ءِ جان گپتگ ءُ بے توار کرتگ کہ آ بلوچ ءِ سر ءَ بیوکیں زوراکیانی بگیری ءَ اوشتاتگ اَت۔ آئی ءِ کوش پہ بلوچ ءِ توار ءِ دارگ ءَ زوراکی ءِ پدرائیں درورے۔ بی این ایم ءِ سرکماش ءَ گوشتگ کہ آ یک لبزانکی آشوبی یے بیتگ، آئی ءَ درزنانی کچ ءَ کتاب نبشتگ۔ پہ اے وڑیں گرانبھائیں مردمے ءِ ودی بیگ ءَ سداں سال درکار بیت۔ آئی ءِ رندگیری کنوک ءُ لبزانکاراں آئی ءِ زانشت ءِ سر ءَ کار کنگ لوٹ ایت دانکہ آ مدام گیر آرگ بہ بیت۔ ڈاکٹر نسیم ءَ گوشتگ کہ پہ آئی ءِ یاتانی پھریزگ ءَ آئی ءِ رندگیری کنوک ءُ لبزانکار دوئیناں کار کنگ لوٹ ایت، گڑا ما آئی ءِ لوٹانی پیلو کنگ ءَ سوبمند بہ ایں۔ بنشون: ٹویٹر |اکس: دامگ