ریڈیو زْرمبش بلوچی | ریڈیو زْرمبش بلوچی

شال: سسیٹلائیٹ ٹاؤن ءَ سی ٹی ڈی ءَ گسے ءَ بیڑبُرتگ زھگ ءُ جنین زوراکی ءِ نشانگ کُرتگ ءُ نودربر نوید گرگناڑی دزگیر کُرتگ

شال: سسیٹلائیٹ ٹاؤن ءَ سی ٹی ڈی ءَ گسے ءَ بیڑبُرتگ زھگ ءُ جنین زوراکی ءِ نشانگ کُرتگ ءُ نودربر نوید گرگناڑی دزگیر کُرتگ

OCT

12
12 / 10 / 2021 بیگواہ 81

شال: پولیس ءِ کاؤنٹر ٹیرر ازم ڈیپارٹمنٹ (سی ٹی ڈی) ءِ کارمنداں سیٹلائیٹ ٹاؤن ءَ گسے ءَ بیڑ بُرتگ بلوچ نودربر گل ءِ باسک نوید گرگناڑی دزگیر کُرتگ۔ اے میان ءَ زھگ ءُ جنیناں گھگیری کُرتگ۔پولیس ءِ کارمنداں زھگ ءُ جنین لٹ شاپ کُرتگ ءُ زوراکی ءِ نشانگ کُرتگ اَنت چہ ایشی ءَ نوید ءِ گھار تُستگ۔داں مارا سر بوتگیں ھالاں نوید ءِ گھار سار ءَ نیاتکگ۔ ریڈیو زرمبش ءَ پولیس ءِ بیڑ برگ ءِتامُر بندے ھم دزکپتگ کہ تامُربند تہ پولیس ءِ زوراکی ءُ جنینانی آہ ءُ زاری کنگ ءُ پولیس ءِ گون ءَ گپ کنگ ءَ اَنت ءُ نوید ءِ گھار بےساری ءَ زمین ءِ سر ءِ کپتگ۔ سی ٹی ڈی ءِ واکداراں نوید ءِ دزگیر کنگ ءِ بابت ءَ ھچ نہ گْوشتگ بلے شپ ءِ تھاری ءَ چوش دزگیر کنگ ءَ پد سی ٹی ڈی دزگیر کُرتگیں مردم بیگواہ کُرتگ اَنت ءُ بازیں مردمے کلپیں میڑ ءِ نام ءَ کُشتگ۔پمشکا نوید ءِ دزگیری ءَ پد آئی ءِ کھول ءِ مردم پریشان اَنت۔ بنشون ءِ گْوشگ اِنت کہ نویدگرگناڑی بلوچ اسٹوڈنٹس آرگنائزیشن بامسار ءِ باسکے۔


بنشون: اھوالکار | اکس: اھوالکار