ریڈیو زْرمبش بلوچی | ریڈیو زْرمبش بلوچی

بیگواھیں زپراللہ بنگلزھی ءِ مات ءَ وتی زھگ ءِ یل کنگ ءِ دزبندی کُرتگ

بیگواھیں زپراللہ بنگلزھی ءِ مات ءَ وتی زھگ ءِ یل کنگ ءِ دزبندی کُرتگ

JUL

14
14 / 07 / 2021 بیگواہ 78

مستونگ:بیگواھیں زپراللہ بنگلزھی ءِ مات ءَ وتی زھگ ءِ یل کنگ ءِ دزبندی کُرتگ۔آئی گْوشتگ کہ منی زھگ پہ مردمی ھمدردی ءِ بنیاد ءَ یل بہ کن اِت۔ آئی گْوشتگ کہ منی زھگ زپراللہ ء پازل مھمد بنگلزھی جھمنند دشت سکوزھی مستونگ سول پائنل ائیرانجینئرنگ زانشجاہ ھزدار ءِ نودربرے کہ 13 جولائی 2010 ءَ چہ کابو اسپلنجی ءَ وتی ناکو ڈاکٹر گُلام سرور بنگلزھی ءِ ھمراھی ءَ دزگیر کنگ ءَ پد بیگواہ کنگ بیتگ۔ آئی گْوشتگ کہ منی برات ڈاکٹر غلام سرور بنگلزھی کابو ءِ نزیک ءَ آر ایچ سی  اسپلنجی ءَ میڈیکل کارمسترے بیتگ ءُ پد ءَ ڈاکٹر سرور بنگلزھی 13 روچ ءَ پد یل کنگ بیتگ ءُ منی زھگ انگت بیگواہ اِنت ءُ آئی ءِ ھچ پیمیں ھال نیست۔ آئی گْوشتگ کہ زپراللہ بنگلزھی یک بےمیاریں نودربرے ءُ زمہ واری شھری یے۔ آئی گْوشتگ کہ مئے سرجمیں کھول زپراللہ ءِ بیگواھی ءِ سْوب ءَ اندوھانی دیمپان اِنت ءُ آئی ءِ پت کہ دل ءِ نادراھے ءُ پیش ءَ سرکاری کارمندے ھم بیتگ،زھگ ءِ بیگواھی ءِ سْوب ءَ دو رند ءَ دل ءَ گیپتگ۔ آئی گْوشتگ کہ من چہ واکداراں دزبندی کناں کہ یک نیزگاری ماتے ءِ ارزیشت ءَ دُرسیں سرکاری تْرامگیج جام کمال ءُ زیا لانگو ءِ گون ءَ من دزبندی کناں کہ منی زھگ ءِ یل کنائینگ ءَ وتی کرد ءَ پیلو بہ کن اَنت۔داں مارا مئے پیری ءِ ھسا ءُ چمانی رُژنائی ءُ جھان ءَ رُکست بیگ ءَ پیش یکبرے آئی ءِ دروشُم ءَ بہ گندیں۔ بنشون:درشان| اکس:زپراللہ بنگلزھی