ریڈیو زْرمبش بلوچی | ریڈیو زْرمبش بلوچی

ڈیرہ بگٹی / ھرنائی: زورگریں پاکستانی لشکر ءُ چیریں ادارھانی کارمنداں شش مردم آوار جتگ ءُ بیگواہ کرتگ۔

اھوالکار ءِ رد ءَ زین کوہ ءَ پاکستانی لشکر ءِ دست ءَ بیگواہ کنگ بیتگیں مردمانی نام الی گل ء سیپ دین بگٹی، نیاز ء مسکان بگٹی، نسیر ٹھارہ بگٹی، پیر بکش ء جلال بگٹی ءُ جورک ء جان مھمد بگٹی اِنت۔ بیگواہ کنگ بیتگیں مردمانی تہ ءَ دو مردم او جی ڈی سی ایل شرکت ءِ نوکر اَنت۔ اے درسیں مردم زین کوہ ءِ جھمنند اَنت۔

بنشون ءِ رد ءَ چار روچ پیش ھرنائی ءِ بازار ءَ زورگریں پاکستانی لشکر ءُ چیریں ادارھانی کارمنداں سوبیدار ء گلزار ٹینگانی آوار جتگ ءُ بیگواہ کرتگ۔ زور بیگواھیں سوبیدار ھرنائی ءِ ھند میاں کور ءِ جھمنند اِنت ءُ دھکانکارے۔ زورگریں پاکستانی لشکر ءَ ھما وھد ءَ آوار جتگ کہ آ ھرنائی ءِ بازار ءَ سامان زورگ ءَ بیتگ۔ #BalochistanCrisis

بنشون: دمگی اھوالکار | اکس: اھوالکار