ریڈیو زْرمبش بلوچی | ریڈیو زْرمبش بلوچی

ڈیرہ بگٹی: گوستگیں نوہ روچ بیت کہ زورگریں پاکستانی لشکر ءِ زوراکی یکشل ءَ برجاہ اَنت، لشکر ءَ بازیں کچے ءَ مردمانی پِس ءُ مال برتگ اَنت۔

اھوالکار ءِ رد ءَ دوشی زورگریں پاکستانی لشکر ءَ ڈیرہ بگٹی ءِ جتا جتائیں ھنداں درینجن، گنڈوھی، لاگردان ءِ کر ءُ کشاں بمبگواری کرتگ۔ زورگریں لشکر ءَ ھندی مردمانی سدانی کچ ءَ مال ءُ دلوت برتگ اَنت۔ یات بہ بہ ات کہ ڈیرہ بگٹی ءَ زورگریں پاکستانی لشکر ءِ برجاھیں لشکرکشی ءَ بیست ءَ گیش مردم آوار جنگ ءُ بیگواہ کنگ بیتگ کہ انگت بیگواہ اَنت۔

اے دراجکشیں لشکر کشی ءَ پاکستانی لشکر ءَ باز مردم چہ وتی ھنکیناں پہ زور لڈینتگ اَنت۔ بازیں کچے ءَ مردمانی گس ماندارگ بیتگ اَنت۔

#BalochisitanCrisis

بنشون: اھوالکار | اکس: دامگ