ریڈیو زْرمبش بلوچی | ریڈیو زْرمبش بلوچی

دَشْت: کیچ ءِ ھند دَشْت ءَ گوستگیں روچ ءَ بیگواہ بیتگیں نودربر اَبدُاللہ ء رسول ءِ بکش ءِ کُنٹ مرچی دست کپتگ۔ زْرمبش اھوالکار ءِ رد ءَ بیران بیتگیں ورنا دشت جمک کاشاپ ءِ جھمنند اِنت ءُ گوستگیں روچ ءَ آئی ءِ کھول ءِ پیسر ءَ پہ پکنک ءَ شتگ اَنت اَبدُاللہ ءَ نیمروچ ءِ وھد ءَ پہ آیاں آپ ءُ ورگی سامان زْرتگ ءُ چہ گِس در کپتگ پکنک جاہ ءَ سر نہ بیتگ کہ بیگواہ بیتگ۔ مرچی آئی ءِ کُنٹ ماں کلیر کونٹ ءِ کور ءَ دست کپتگ۔ بنشون: اھوالکار | اکس: اھوالکار