ریڈیو زْرمبش بلوچی | ریڈیو زْرمبش بلوچی

اوستہ مھمد/ وندر/ دالبندین/ مچ: جتاھیں دگ وئیلاں سئے مردم بیران ءُ سَے زدگ بیتگ۔ بنشون ءِ رد ءَ اوستہ مھمد ءَ شمبے ءِ روچ ءَ مزدا گاڑی یے ءَ دو رھگوز لپاشتگ ءُ کشتگ۔ بیران بیتگیں مردمانی نام دھنی بکش چانڈیو ءُ نوریز چانڈیو اِنت۔ مورو شھر ءِ داد چاراہ ءَ گاڑی ءَ ھما وھد ءَ لپاشتگ اَنت کہ آ بھٹائی ءِ میلہ ءَ روگ ءَ بیتگ اَنت۔ آیانی جون پہ ھژدری چار ءُ ٹپاس کنگ ءَ نادراھجاہ ءَ برگ بیتگ اَنت۔ ھمے وڑ ءَ وندر ءَ کوھی اڈہ ءِ نزیک ءَ کوسٹرے ءَ مردمے لپاشتگ ءُ کشتگ۔ بیران بیتگیں مردم ءِ جون پہ ھژدری چار ءُ ٹپاس کنگ ءَ نادراھجاہ ءَ برگ ءَ پد پہ پجار کنگ ءَ مُردگ جاہ ءَ ایر کنگ بیتگ۔ بنشون ءِ رد ءَ دالبندین ءَ لاگ آپ ءِ نزیک ءَ گوستگیں شپ ءَ مساپر بس ءُ ٹوٹا گاڑی یے ءِ ڈک ورگ ءَ دو مردم زدگ بیتگ۔ زدگ بیتگیں مردم پہ درمان کنگ ءَ نادراھجاہ ءَ برگ ءَ پد پہ گیشیں درمان کنگ ءَ شال ءَ دیم دیگ بیتگ اَنت۔ زدگ بیتگیں دوئیں مردم نوشکے ءِ ھند اھمد وال ءِ جھمنند اَنت۔ ھمے وڑ ءَ مچ ءِ ھند گوکرت ءِ زرنج ءَ ٹوڈی گاڑی یے ءَ رکشایے لپاشتگ ءُ ھمیداللہ نامیں مردمے زدگ بیتگ۔ زدگ بیتگیں مردم پہ درمان کنگ ءَ نادراھجاہ ءَ برگ بیتگ۔ بنشون : دمگی اھوالکار | اکس : زرمبش