ریڈیو زْرمبش بلوچی | ریڈیو زْرمبش بلوچی

سرجمیں جھان ءَ چہ کورونا وائرس ءَ 38 لک 82 ھزار ءَ گیش مردم بیران بیتگ

سرجمیں جھان ءَ چہ کورونا وائرس ءَ 38 لک 82 ھزار ءَ گیش مردم بیران بیتگ

JUN

21
21 / 06 / 2021 جھان 111

سرجمیں جھان ءَ کورونا ءِ نادراھانی کچ 17 کروڑ 92 لک 55 ھزار 116 ءَ سربیتگ،بیران بیتگیں مردمانی کچ 38 لک82 ھزار 80 اِنت۔وھدے کہ کورونا وائرس ءَ آچیں 16 کروڑ 38 لک 18 ھزار 565 مردم جاندراہ بیتگ۔ ھندوستان ءَ کورونا وائرس ءِ نوکیں نادراہ کم بیان اَنت، گْوستگیں 24 اداراں 53 ھزار نوکیں نادراہ دیم ءَ اتکگ ءُ 1ھزار 422 مردم بیران بیتگ۔ چین ءِ استان گوانگ ڈونگ ءِ شھر ڈونگ گوآن ءَ دو نادراہ دیم ءَ اَتکگ ءُ ایشی ءَ پد سرکار ءَ کووڈ 19 ءِ وبا ءِ تالان بیگ ءِ پُژدر ءَ سرجمیں شھر ءَ مردمانی کورونا آزمائش کنگ بندات کُرتگ۔ ھندی واکدارانی نیمگ ءَ مردم وتسر ءَ ڈن ءَ دراھگ ءُ تر ءُ تاب کنگ ءَ کڈن کنگ بیتگ اَنت۔بنشون ءِ رد ءَ گوانگ ڈونگ ءَ کورونا ءِ ڈیلٹا ویرنٹ ءِ نوکیں نادراہ دیم ءَ اتکگ۔ انڈونیشیا ءَ کورونا ءِ نادراھانی کچ ءِ گیش بیگ ءِ سْوب ءَ باند ءَ پابندیانی چہ دو ھپتگ ءَ گیش کنگ ءِ جار جنگ بیتگ۔کارگساں کارمندانی کچ کم کنگ ءُ مزھبی چیست ءُ ایرانی سر ءَ گر ءِ دار کنگ ءِ پرمان دیگ بیتگ۔ ایشی ءَ ابید برازیل ءَ چہ کورونا ءَ 5 لک مردم بیران بیتگ،بیران بیتگیں مردمانی یات ءَ تیاب دپ ءَ سُھریں گُلاب ءِ پُل سمبھینگ بیتگ۔


بنشون:روتاک آزاتی اکس:گوگل