ریڈیو زْرمبش بلوچی | ریڈیو زْرمبش بلوچی

بولان:منی جنک الی گُل بوھڑ آوار جتگ ءُ بُرتگ،گوں سرکار ءَ دزبندی اِنت منی جنک ءَ بہ موک ایت،گُلام رسول

بولان:منی جنک الی گُل بوھڑ آوار جتگ ءُ بُرتگ،گوں سرکار ءَ دزبندی اِنت منی جنک ءَ بہ موک ایت،گُلام رسول

JAN

22

بولان:گُلام رسول جھمنند گریب آباد ڈاڈر گوں وتی لوگبانُک ءِ ھواری ءَ ڈاڈر پریس کلب ءَ گوں اھوالکاراں تران کُرتگ ءُ گْوشتگ کہ منی جنک کہ آئی ءِ اُمر 14سال اِنت الی گل بوھڑ گوں وتی پِت ھیدر الی،ناکو گُلام ءُ سیاد وزیر ءِ ھواری ءَ آوار جتگ۔یک ماھے پیش من ڈاڈر پولیس گِس ءَ ارزی نبشتگ بلے انگت میاربار دزگیر کنگ نہ بیتگ اَنت۔ آئی گْوشتگ کہ میاربار پُشت داریں مردم اَنت پمشکہ پولیس آیاں دزگیر کُرت کنگ ءَ نہ اِنت۔پولیس مار ءَ ھک دات کنگ ءَ نہ اِنت مئے ھک ءَ سرکار بہ گِپت ءُ مارا بہ دنت،ھک ءِ اوست ءَ ما نندگ ءَ دمبُرتگ ءُ نوں نا اُمیت بیگ ءَ ایں،شپ ءِ نیم ءَ چہ واب ءَ بُست کنیں ءُ چہ ھاوند ءَ دُوا لوٹ ایں کہ ما نیز ءُ بزگریں پمشکہ کس مئے آہ ءُ زاریانی گوشدارگ ءَ ساڑی نہ اِنت ما وتی زار ءُ پریاتاں کئی در ءَ بہ بَر ایں۔ آئی چہ آئی جی پولیس ءِ بلوچستان ءِ مزن وزیر ءَ دزبندی کُرتگ کہ میاربارانی بگیری ءَ کانودی کارروائی بہ کن اِت ءُ منی زھگ ءَ چہ زوراکانی دست ءَ  بہ موک اِت۔


بنشون:دمگی اھوالکار /اکس: دمگی اھوالکار