ریڈیو زْرمبش بلوچی | ریڈیو زْرمبش بلوچی

بسیمگ: زیک ءَ پجار نہ بیتگیں مردماں کسان سالیں زھگے آوار جنگ ءَ پد کُشتگ ءُ آئی جون زیک ءِ کوھاں دَور داتگ، بیران بیتگیں زھگ ءِ جون پہ ھژدری چار ءُ ٹپاس کنگ ءَ نادراھجاہ ءَ برگ ءَ پد کھول ءِ دست ءَ دیگ بیتگ۔ بنشون ءِ رد ءَ زھگ گوستگیں روچ ءِ سھب ءَ چہ گِس درآتکگ ءُ پَسانی چارینگ ءَ شُتگ ءُ شپ ءَ واتر نہ بیتگ۔ آئی کھول ءَ زھگ ءِ پٹ ءُ پول ءَ بندات کرتگ ءُ مرچی سھب ءَ آئیْ ءِ جون زیک ءِ کوھاں دست کپتگ کہ زھگ ءِ سر ءَ سِنگ جنگ ءُ کُشگ بیتگ۔ زھگ ءِ کھول ءَ گوشگ اِنت کہ پولیس ءَ جون مئے دست داتگ ءُ بے توار بیتگ اَنت آ پہ میاربارانی دزگیر کنگ ءَ ھچ وڑیں گامگیج زورگ ءَ نہ اَنت۔ کھول ءَ زھگ ءِ جون زْرتگ ءُ شال ءَ روگ ءِ سْوَڑگ کرتگ۔ *بنشون: دمگی اھوالکار | اکس: دامگ*