ریڈیو زْرمبش بلوچی | ریڈیو زْرمبش بلوچی

ڈیرہ بگٹی: یکشمبے ءُ دوشمبے ءِ میانی شپ ءَ زورگریں پاکستانی لشکر ءُ چیریں ادارھانی کارمنداں بیڑ برتگ ءُ دگہ سے مردم آوار جنگ ءَ پد بیگواہ کرتگ۔ بنشون ءِ رد ءَ زور بیگواہ کنگ بیتگیں مردمانی نام بابل بگٹی، پٹان ء مڑزھان ءُ ھاشم ء شھید سوری بگٹی اِنت۔ زورگریں پاکستانی لشکر ءَ دوشی مندوانی کالونی ءَ بیڑ برتگ ءُ آوار جتگ اَنت۔ بیگواھیں بلوچانی توار ( وی بی ایم پی ) ءَ ماں رسانکدر ءَ اے مردمانی زوریں بیگواھی ءِ گپ ھم راست کرتگ۔ یات بہ بہ اِت کہ گوستگیں روچ ءَ پاکستانی لشکر ءَ ڈیرہ بگٹی ءَ ھشت مردم آوار جتگ ءُ بیگواہ کرتگ اَت، گوستگیں بیست ءُ چار ادارانی تہ ءَ پاکستانی لشکر ءَ چہ ڈیرہ بگٹی ءَ باز مردم آوار جتگ ءُ بیگواہ کرتگ بلے چہ آیاں یازدہ مردم پجارگ بیتگ۔ #BalochistanCrisis بنشون: اھوالکار / اکس: اھوالکار