ریڈیو زْرمبش بلوچی | ریڈیو زْرمبش بلوچی

بنوں: کیبرپکتونکواہ ءِ دمگ بنوں ءَ دو سلاہ بندیں ٹولیانی میان ءَ تیرگواری ءَ سے مردم مرتگ پولیس بنشون ءِ رد ءَ بنوں ءِ ھند جانی کیل منڈی بازار ءَ دو سلاہ بندیں ٹولیانی میان ءَ اناگت ءَ تیرگواری میڑے بندات بیتگ، تیرگواری ءِ آسر ءَ سے مردم مرتگ۔ پولیس ءِ گوشگ اِنت کہ چہ مرتگیں مردماں یک مردمے ءِ پجار چہ اتا اللہ ءِ نام ءَ زانگ بیتگ کہ آ اسھاک ٹولی ءِ کارمَنْدے۔ آدگہ دوئیں مرتگیں مردم اکتر مھمد گروپ ءِ کارمند بیتگ اَنت۔ پولیس ءِ گوشگ اِنت کہ مرتگیں مردمانی جون پہ ھژدری چار ءُ ٹپاس کنگ ءَ نادراھجاہ ءَ برگ بیتگ اَنت۔ ویل ءَ پد پولیس ءُ آدگہ ادارھانی کارمنْد بازیں کچے ءَ جنگجاہ ءَ آتکگ ءُ پَٹ ءُ پول اِش کرتگ۔ بنشون: دمگی اھوالکار | اکس: دامگ