ریڈیو زْرمبش بلوچی | ریڈیو زْرمبش بلوچی

ھزاد: شش ستمبر 2022 ءَ چہ ھزادر ءَ سی ٹی ڈی ءِ دست ءَ زور بیگواہ کنگ بیتگیں ممتاز ءِ گھارزتک بانڑی ءَ وتی تامربندے ءَ پہ ممتاز ءِ آجوئی ءَ توار چست کنگ ءِ لوٹ کرتگ۔

آئی ءَ گوشتگ کہ منی ناکو ممتاز ءَ 6 ستمبر 2022 ءَ چہ ھزدار ءَ سی ٹی ڈی ءِ کارمنداں آوار جتگ ءُ بیگواہ کرتگ، آئی ءِ زوریں بیگواھی ءَ سالے سرجم بیتگ کہ انگت ءَ بیگواہ اِنت ءُ آئی ءِ ھچ وڑیں ھال نیست۔

بانڑی ءِ گوشگ اِنت کہ چہ ایشی ءَ پیش ھم منی ناکو ممتاز ءَ دو رند ءَ پاکستانی لشکر ءَ آوار جتگ ءُ بیگواہ کرتگ چہ بازیں لٹ شاپ کنگ ءَ پد یل داتگ۔ اے آئی سیمی رند اِنت کہ سی ٹی ڈی ءَ آوار جتگ ءُ بیگواہ کرتگ کہ انگت ءَ بیگواہ اِنت۔

آئی ءَ گوشتگ کہ من گوں مردمی ھکانی ادارھاں دزبندی کناں کہ پہ منی ناکو ءِ آجوئی ءَ توار چست بہ کن اَنت۔

بنشون: تامربند / اکس: اسکرین شارٹ