ریڈیو زْرمبش بلوچی | ریڈیو زْرمبش بلوچی

بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ مئے سرمچاراں کلات ءَ زورگریں پاکستانی لشکر نشانگ کرتگ۔ آئی ءَ گوشتگ کہ سرمچاراں شاہ مردان ءَ زورگریں لشکر ءِ کارمندانی سر ءَ ھما وھد ءَ گوں وتکاریں سلاھاں اُرش کرتگ کہ آ وتی پانگس ءَ ڈن مچ بیتگ اَنت۔ اُرش ءِ آسر ءَ کم چہ کم یک دُژمنیں کارمندے مرتگ ءُ باز ٹپی بیتگ۔ بی ایل اے ءِ جارکش جیھند ءَ اُرش ءِ زمہ واری منّ اِتگ ءُ گوشتگ کہ داں بلوچستان ءِ آجوئی ءَ مئے اُرش زورگریں لشکر ءِ سر ءَ برجاہ بنت۔ بنشون: درشان / اکس: زرمبش