ریڈیو زْرمبش بلوچی | ریڈیو زْرمبش بلوچی

اوگان سرکار یک ھمساھگے ءِ وڑ ءَ بلوچ باھوٹیانی پھریزگ ءَ وتی کِرد ءَ پیلو بہ کنت۔بکتیار ھان ڈومکی

اوگان سرکار یک ھمساھگے ءِ وڑ ءَ بلوچ باھوٹیانی پھریزگ ءَ وتی کِرد ءَ پیلو بہ کنت۔بکتیار ھان ڈومکی

OCT

08

شال: بلوچ آجوئی دوستیں سروک بکتیار ھان ڈومکی ءَ وتی درشانی ءِ تہ ءَ تالبان ءِ دست ءَ نمروز ءَ بلوچ کماشیں سروک ملک کان مھمد مری ءُ آدگہ باھوٹیانی دزگیر کنگ ءُ آیانی سر ءَ کلپیں ارزی یک مزنیں پندلے گْوشتگ ءُ چہ تالبان سروکاں دزبندی کُرتگ کہ آ پاکستان ءِ پندلاں سرپد بہ بنت ءُ آئی ءِ سیتانی جاہ ءَ یک ھمساھگے ءِ پیم ءَ بلوچ باھوٹیاں بہ پھریزیت ءُ بلوچ کماشیں سروک کہ نادراہ اِنت آئی ءِ زوت یل کنگ ءَ وتی کِرد ءَ پیلو بہ کنت چے ءَ کہ بلوچ سرڈگار ءِ شھری چہ پاکستان ءِ زوراکیانی بگیری ءَ باھوٹی زند ءِ گْوازینگ ءَ لاچار اَنت۔ آئی دیمتر ءَ گْوشتگ کہ اوگانستان ءَ بلوچ باھوٹیانی گساں بیڑ ءُ کماشیں سروک ملک کان مھمد ءُ آدگہ بلوچانی تالبان ءِ دست ءَ دزگیر کنگ پہ ما بژنی گپے۔


بنشون: درشان | اکس: دامگ