ریڈیو زْرمبش بلوچی | ریڈیو زْرمبش بلوچی

آجو ءُ وتواکیں بلوچستان شھیدانی ھونانی مانزمان بیت۔ بی ایس او آزاد

آجو ءُ وتواکیں بلوچستان شھیدانی ھونانی مانزمان بیت۔ بی ایس او آزاد

OCT

20

شال: بلوچ نودربر گل آزاد (بی ایس او آزاد ) ءِ بنجاھی جارکش ءَ ماں رسانکدر ءَ وتی شنگ کرتگیں درشان ءَ بلوچستان ءِ شهیداناں سُهرچکیں دروت ندر کرتگ ءُ گوشتگ کہ سینزده نومبر بلوچ راجی گوستانک ءِ تہ ءَ کول ءُ مسامی بستارے داریت ۔ اے روچ مارا هما جوانیں پُسگانی ترانگ ءَ پرینیت کہ آهاں وتی سر ندر کُرتگ انت ءُ بلوچ گلزمین پھازتگ ءُ ابدمان بیتگ اَنت۔ آئی ءَ گوشتگ کہ دو کرن ءَ پیش همے وڑ ءَ شهید مهراب هان ءُ آئی ءِ همراهاں انگریزانی بگیری ءَ جنگ کنگ ءِ راه گچین کرتگ ءُ شهیدی ءِ گرانبھاھیں نام کٹ اِتگ - مروچی هم بلوچ ورناهاں جنگ ءِ هما درِچ برجاه داشتگ وتی گلزمین ءَ پھازگ ءَ اَنت۔ زورگریں انگریز ءِ بلوچ گلزمین ءِ سر ءَ الگاش کنگ ءُ بلوچانی جنگ اے پرمان ءِ پدّریں منانک انت کہ کجام یک دری زورگیری ءَ بلوچ ءِ گلزمین گوں بدیں چمے ءَ چارگ ءِ جهد کرتگ گڑا بلوچ ورنا دری زورگر ءِ بگیری ءَ چو کوه ءَ مِک بیتگ اَنت - همے سوب اِنت کہ بلوچ ءِ گلزمین ءِ سر ءَ زورگریں واکاں وتی زورگری داں دیراں داشت نہ کرتگ ءُ یکشلی ءَ جنگ ءِ دارگ ءَ پد گُڈی ءَ زورگریں انگریز بلوچ ءِ گلزمین ءَ پہ ویل کنگ ءَ لاچار بیتگ ءُ بلوچ راج یک آجویں ڈیهہ ءِ واهند بیتگ۔ آئی ءَ دیمتر ءَ گوشتگ کہ چہ انگریزانی درکپگ ءَ پد گونڈیں مُدّتے ءِ تہ ءَ نوک ودی بیتگیں ءُ بے ابرمی پاکستان ءِ ریاست ءَ یکبرے پد ءَ بلوچ ریاست گوں وتی واک ءَ زورانسری دستیگ کرتگ ءُ بلوچانی آجوئی پُلگ بیتگ- بلوچاں پاکستان ءِ زوگری ءُ آئی ءِ لُٹ ءُ پُل چہ بنداتی روچاں رد کرتگ ءُ پاکستان ءِ زورگری ءِ بگیری ءَ جهد کُرتگ - پہ بلوچ راجی جنز ءِ دارگ ءَ ریاست ءَ مدام وتی زوراکی برجم داشتگاَنت ءُ وتی شوربندیانی رد ءَ بلوچ ءِ چکچینی کرتگ۔ آئی ءَ گوشتگ کہ پاکستان ءَ شست ءِ دهک ءَ راجی جُنز ءِ لپاشگ ءَ ٹوپ ءُ بمب، تیرگواری کرتگ ءُ هپتاد ءِ دهک ءَ هم همے کاراهبند ءِ پد ءَ کار کرتگ هزارانی کچ ءَ بلوچ کُشتگ۔ مرچی هم ریاست همے کاراهبند ءِ پد ءَ کار ءَ اِنت ءُ لوگاں سوچگ ءَ اِنت ، لس مهلوک ءِ سر ءَ بمب گوارگ ءَ اِنت ءُ ماں چار راهانی سر ءَ ورناهاں گوں تیراں سُمبگ ءَ اِنت۔ ریاست ءِ زوراکی ئیں کار راهبنداں ابید مروچی هم آجوئی ءِ جهد گوں یکشلی ءَ جنزان اِنت - جارکش ءَ وتی درشان ءِ گُڈی ءَ گوشتگ کہ بلوچ ورنا آجوئی ءِ اے جهد ءِ تہ ءَ کجام هم وڑیں دیمونی دیگ ءَ چَک ءُ پد نہ بنت۔ گوں شهیدانی هوناں آجوئیں ءُ وت واکیں بلوچستانے ءِ رُژناهیں بام دنت - گل پیش ءِ وڑ امبری هم دیوان کنت ءُ 13NovBalochistanMartyrsDey# ءِ نام ءَ کیمپینے بندات کنت ءُ کلیں شهیداں سُهرچکیں دروت ندر کنت۔ بنشون: درشان | اکس: دامگ