ریڈیو زْرمبش بلوچی | ریڈیو زْرمبش بلوچی

پاکستان ءَ توپان ءِ نام ءَ رستگیں کمک پہ بلوچستان ءَ لشکری کاروائیاں کارمرز بیگ ءَ اَنت۔ بی ایس او آزاد

پاکستان ءَ توپان ءِ نام ءَ رستگیں کمک پہ بلوچستان ءَ لشکری کاروائیاں کارمرز بیگ ءَ اَنت۔ بی ایس او آزاد

SEP

11
11 / 09 / 2022 بی ایس او آزاد 54

شال: بلوچ نودربر گَل آزاد ( بی ایس او آزاد ) ءِ بنجاھی جارکش ءَ وتی شنگ کرتگیں د رشان ءَ گوستگیں توپان ءِ نام ءَ میان استمان ءِ نیمگ ءَ پاکستان ءَ رستگیں کمکاں وتی پھریزگ ءِ درشان کرتگ ءُ گوشتگ کہ اکوام متھدہ ( یو این ) ءُ آدگہ میان استمانی ادارہ بلوچستان ءُ پہ آدگہ سانمندیں جاھاں کمک کنگ ءَ اَنت۔ آئی گوشتگ کہ پاکستان مکران، بولان ءُ بلوچستان ءِ جتاھیں ھنداں لشکر کشی کنگ ءَ پہ مردمگری ءَ رستگیں کمکاں کارمرز کنگ ءَ اِنت۔ مدام پاکستان ءَ بلوچستان ءِ تہ ءَ پہ لشکر کشی، زورانسری بیگواھی ءُ ناھکیں کشت ءُ کوش ءَ میان استمانی کمک کارمرز کرتگ اَنت۔ جارکش ءَ گوں میان استمانی ادارھاں لوٹ کرتگ کہ پاکستان ءَ رستگیں کمکانی سر ءَ نزر ایر کنگ بہ بیت، پمیشکا کہ پہ مردمگری ءِ نام ءَ رستگیں کمک مردمی اگبالانی بگیری ءَ کارمرز بیگ ءَ اَنت۔ بلوچستان ءِ دستیگ کنگ ءَ پد پاکستان مردمی اگبالانی ناھکیں بگیری ءُ بلوچ ءِ چکچینی ءَ ھوار اِنت۔ آئی ءَ گوشتگ کہ مارا تُرس اِنت کہ گْوَستگیں توپان ءِ نام ءَ رستگیں کمکاں بلوچستان ءَ گیش لشکر کشی، زورانسری بیگواھی ءُ پہ ناھکیں کشت ءُ کوش ءَ کارمرز کنت۔ اے جاورانی تہ ءَ میان استمانی ادارھاں پاکستان ءِ بگیری ءَ گامگیج زورگ لوٹ ایت ءُ پہ کمکی زْرانی رد کارمرز کنگ ءَ ناشریں ڈیھ ءَ جُست بہ کنگ بہ بیت۔ بنشون: درشان | اکس: دامگ