ریڈیو زْرمبش بلوچی | ریڈیو زْرمبش بلوچی

بلوچ نودربرانی بیگواہ کنگ بلوچ نودربرانی وانگ ءُ زانگ ءِ سر ءَ اُرشے۔ بی ایس او آزاد

بلوچ نودربرانی بیگواہ کنگ بلوچ نودربرانی وانگ ءُ زانگ ءِ سر ءَ اُرشے۔ بی ایس او آزاد

NOV

11
11 / 11 / 2021 بی ایس او آزاد 18

شال: بلوچ نودربر گل آزاد ءِ بنجاھی جارکش ءَ وتی شنگ کُرتگیں درشانی ءَ انیگیں روچاں نودربرانی زورانسری بیگواہ کنگ ءِ بابت ءَ گْوشتگ کہ نودربر مدام نشانگ ءُ آزار جاھاں بیگواہ کنگ بیگ انت۔بلوچستان ءَ استان ءِ زوراکی ءِ سْوب ءَ مردمانی باپار بند بیتگ چہ ایشی ءَ باز کم مردم وتی زھگاں وانگجاھاں راہ دیگ ءَ سوبمند بنت بلے استان ھمیشانی سر ءَ زوراکی ءِ کوہ دور دیگ ءَ اِنت ءُ پہ نودربراں پہ زانت چوشیں چوشیں چاگردے جوڑ کنگ بیگ ءَ اِنت داں نودربر زورانسری بیگواھی ءِ تُرس وتی وانگ ءُ زانگ ءَ یل بہ کن اَنت داں مات ءُ پت وتی زھگاں وانگجاھاں رہ مہ دیئنت بلے استان ءِ زوراکی ھچ پیم ءَ نودربرانی تہ ءَ راجی سما ءَ ھلاس کُرت نہ کنت۔ جارکش ءَ گْوشتگ کہ بلوچستان ءَ زورانسری بیگواھیانی درچ گْوستگیں دو دھکاں برجاہ اِنت، یک نیمگے استان ءُ آئی ءِ وتگڑیں سرکار ٹاپار جنت کہ بیگواھیں مردم یل کنگ بیگ ءَ اَنت،اے بابت ءَ پاکستان ءِ وتساچیں اسمبلی ءَ یک بِلے ھم منّگ بیتگ بلے دومی نیمگ ءَ بلوچستان ءَ ھمک روچ زوراکی گیش بیگ ءَ اِنت۔نودربرانی بیگواہ کنگ ءِ بنکی مول بلوچ ورنایانی تہ ءَ بدلی ءُ تُرس ودی کنگ ءِ جُھد اِنت داں آ پہ آجوئی ءَ جیڑ اِت ھم مکن اَنت ءُ بلوچستان زانشجاہ ءِ وابجاہ ءَ ورنایانی زورانسری بیگواہ کنگ چہ یک مزنیں جیڑھے ءَ کم نہ اِنت۔چہ وابجاہ ءَ نودربرانی بیگواہ کنگ ءَ انچوش گمان بیت کہ ھندی واکدار استان ءِ کارمندانی کِرداں پیلو کنگ ءَ اَنت۔اگاں اے دْرچ برجاہ بہ بیت گڑا وابجاہ ءِ تہ ءَ نودربر زھنی نادراھی ءِ آماچ بنت۔ جارکش ءَ گْوشتگ کہ بی ایس او ءِ پیمیں نودربر گلے ءِ بگیری ءَ استان ءِ پابندی، کتابانی سر ءَ پابندی ءُ بنجاھی ءُ ھنکین ءِ باسکانی آوار ءُ کوش اے گپ ءِ منّانک اِنت کہ استانی لشکر ءِ دست ءَ بلوچستان ءَ کس پھریز نہ اِنت۔نودربرانی گیشتریں بھر زانشی ءُ اکیڈمک چیست ءُ ایراں گْوزگ ءَ اِنت ایشانی بیگواہ کنگ ءَ استان دُرسیں ورنایاں یک تُرسے ءِ آماچ کنگ ءِ جُھد کنگ ءَ اِنت داں ورنا پگر ءُ جیڑ اِت ھم مکن اَنت۔ ’’بلوچ راج ءُ مردمی اگبالانی تْرامگیجاں دزبندی کن ایں کہ آ نودربرانی زورانسری بیگواھی ءِ بگیری ءَ توار چِست بہ کن اَنت داں بلوچ نودربر ابید تُرس ءُ بیم ءَ وتی وانگ ءُ زانگ ءَ برجاہ داشت کُرت بہ کن اَنت‘‘ بنشون: درشان | اکس: زرمبش