ریڈیو زْرمبش بلوچی | ریڈیو زْرمبش بلوچی

لاھور ءَ بلوچ نودربرانی وابجاہ ءِ سر ءَ بیڑ برگ ءُ کودکیں نودربرانی آوار جنگ ءَ ایرجنگی کارے،بلوچ سٹوڈنٹ کونسل لاھور

لاھور ءَ بلوچ نودربرانی وابجاہ ءِ سر ءَ بیڑ برگ ءُ کودکیں نودربرانی آوار جنگ ءَ ایرجنگی کارے،بلوچ سٹوڈنٹ کونسل لاھور

JAN

21

بلوچ اسٹوڈنٹ کونسل لاھور ءِ جارکش ءَ بلوچ نودربرانی وابجاہ ءَ بیڑ برگ ءُ نودربرانی آوار جنگ ءِ بابت ءَ بژن درشان کُرتگ ءُ گْوشتگ کہ گْوستگیں شپ ءَ لاھور ءَ وانگ ءَ بیتگیں بلوچ نودربرانی وابجاھاں بیڑ برگ بیگ ءَ اِنت۔ جارکش ءَ گْوشتگ کہ گْوستگیں شپ ءَ لوھور ءِ جتاجتائیں جاھاں جھمنندیں بلوچ نودربرانی کوٹیانی سر ءَ بیڑ برگ ءُ چار نودربر آوار جنگ بیتگ ءُ بیڑ برگ ءِ دْرچ انگت برجاہ اِنت۔ جارکش ءَ گْوشتگ کہ ڈیھ ءِ تْرامگیجانی کینگداری روِشت ءَ بلوچ نودربر تُرس ءِ آماچ کُرتگ اَنت ءُ نودربر چکاسانی روچاں زھنی پریشانی ءِ آماچ اَنت۔ درشان ءِ گُڈی ءَ جارکش ءَ چہ ڈیھ ءِ تْرامگیجاں دزبندی کُرتگ کہ آوار جتگیں نودربراں یل بہ کن اِت۔ بلوچ سٹوڈنٹ کونسل لاھور ءَ چہ ھمک پگر ءُ لیکھانی مردماں دزبندی کُرتگ کہ پہ بلوچ نودربرانی یل کنائینگ ءَ وتی کِرد ءَ پیلو بہ کن اِت۔ بنشون: درشان | اکس: مونوگرام