ریڈیو زْرمبش بلوچی | ریڈیو زْرمبش بلوچی

گوادر: مھمد الی جناہ ءِ بُت مئے سرمچاراں گوں تراکناکیں شورھاں تباہ کُرتگ_بی آر اے

گوادر: مھمد الی جناہ ءِ بُت مئے سرمچاراں گوں تراکناکیں شورھاں تباہ کُرتگ_بی آر اے

SEP

26
26 / 09 / 2021 بی آر اے 67

گوادر: مھمد الی جناہ 27 مارچ 1948 ءَ پہ پندل ءُ ھیلہ بلوچ سرڈگار ءِ سر ءَ لشکرکشی کُرت ءُ بلوچ ءِ آجوئی ءِ سر ءَ زورگِر بوت۔آئی ءِ اے پندل ءُ ھیلہ بازیں سیاست ءِ سْوب ءَ بلوچ راج مھمد الی جناہ ءِ زندگی ءَ پِٹ ءُ بدیں چمے ءَ چار اَنت۔ بیبگر گوادر: بلوچ استمانی لشکر ءِ جارکش بیبگر ءَ وتی شنگ کُرتگیں درشانی ءَ گْوشتگ کہ سرمچاراں مرچی سُھب ءَ گوادر میرین ڈرائیو ءَ جوڑ کنگ بیتگیں انگریز زوراک ءِ ایجنٹ مھمد الی جناہ ءِ بُت گوں تراکناکیں شورھاں تباہ کُرتگ۔ بیبگر ءَ گْوستانکی بنیاد ءَ گْوشتگ کہ مھمد الی جناہ ءَ ھان بلوچ ءَ انگریزی زوراک ءِ دیم ءَ بلوچ استان ءِ زمینی ارزیشت ءِ ارزی ءِ کٹگ ءَ وتی وکیل داشتگ اَت بلے اے ھیلہ بازیں مرد ءَ یک سالے ءَ پد انگریز ءِ نیمگ ءَ جوڑ کنگ بیتگیں ڈیھ پاکستانی لشکر ءِ گون ءَ بلوچ سرڈگار ءِ سر ءَ بیڑ بُرت ءُ بلوچ سرڈگار ءِ آجوئی پچ گیپت ءُ بلوچستان پہ توپک ءِ زور ءَ گوں وتگڑیں پاکستان ءَ ھوار کُرت،ھما روچ ءَ بگر داں مرچی بلوچستان ءَ مھمد الی جناہ ءَ یک ھیلہ بازیں مردمے ءِ نام ءَ یات کنگ بیت۔ ’’استان گوں وتی دروگیں وانگ ءُ زانگ ءَ مئے آؤکیں باندات ءِ دیم ءَ مھمد الی جناہ ءَ یک جوانمردے ءِ بستار ءَ پیش کنگ ءِ بےسوبیں جُھدے کنگ ءَ اِنت بلے بلوچ راج چوشیں ھیلہ باز ءُ مھمد الی ءَ شری ءَ زان اَنت چے ءَ کہ اے چکچینی یک سرجمیں آشوبی دورے ءَ رُدگ ءَ اِنت کہ دری دُژمنے ءَ پہ آیانی جند ءِ سرڈگار پہ آیاں تنک کُرتگ،آ وتی ایردستی ءَ شریں وڑے ءَ مارگ ءَ اَنت۔‘‘ آئی گْوشتگ کہ گوادر ءِ جھمنند پہ لیٹرے آپ ءَ ھمک روچ زھرشانی کنگ ءَ اَنت ءُ دومی نیمگ ءَ وتگڑیں سی پیک ءُ باپاری ءِ نام ءَ بلوچ پجار ءِ بگیری ءَ یک گْوستانکی گْوازی یے کنگ بیگ ءَ اِنت کہ ایشی ءِ بگیری ءَ بلوچ گھگیری یک سْرپ ءِ دیوالے ءِ جوڑ بیت۔ ’’ مئے اے وڑیں کارروائی داں بلوچستان ءِ آجوئی ءَ برجاہ بنت۔‘‘


 


بنشون: درشان | اکس: زرمبش