ریڈیو زْرمبش بلوچی | ریڈیو زْرمبش بلوچی

گوادر: گوں بی آر اے ءَ بندوکیں سرمچاراں پدی زر ءَ دگ ءِ سر ءَ جناہ ءِ بُت اُرشے ءَ تباہ کُرتگ

گوادر: گوں بی آر اے ءَ بندوکیں سرمچاراں پدی زر ءَ دگ ءِ سر ءَ جناہ ءِ بُت اُرشے ءَ تباہ کُرتگ

SEP

26
26 / 09 / 2021 بی آر اے 100

گوادر: پدی زر دگ ءِ سر ءَ جوڑ کنگ بیتگیں جناہ ءِ بُت بی آر اے ءِ سرمچاراں گوں تراکناکیں شورھاں تباہ کُرتگ۔ اےبابت ءَ بی آر اے ءِ جارکش بیبگر ءَ وتی درشانی ءَ گْوشتگ کہ میرین ڈرائیو (پدی زر) ءَ جوڑ کنگ بیتگیں مھمد الی جناہ ءِ بُت سرمچاراں گوں تراکناکیں شورھاں تباہ کُرتگ۔ بیبگر ءَ گْوشتگ کہ مھمد الی جناہ ءَ بلوچستان ءَ بدیں چمے ءَ چار اَنت،آئی ءِ بُت ءُ لیکہ ءَ بلوچستان ءَ ھچ جاہ نیست۔ اے بت ھمے سال ءِ جون ءِ ماہ ءَ جوڑ کنگ بیتگ۔اے بُت مھمد الی ءِ جوڑ بیتگیں بُتانی وڑ ءَ ارزیشت دار بیتگ۔ایشی جوڑ کنگ ءَ سی لَک کلدار ءَ گیش ھرچ کنگ بیتگ۔ایشی ءِ جوڑ کنگ ءَ پد پاکستانی لشکر مدام پہ ایشی ءِ پھازگ ءَ ساڑی بیتگ۔ یات بہ بہ اِت کہ گوادر ءَ پاکستانی لشکر، نیوی، کوسٹ گارڈ ، ایپ سی ، پولیس ، میرین پھازدار ءُ دگہ بازیں لشکرے ساڑی اِنت ءُ گوادر شھر سرجم ءَ یک لشکری اُردارے ءِ دروشُم ءَ اِنت،پاکستانی لشکر ءَ چاریں نیمگاں انگر کُرتگ۔گوادر ءِ پُتِرگ ءُ دراھگ ءِ راھاں ھوار شھر ءِ تہ ءِ بازیں پانگسے ھست بلے ایشی ءَ ابید مھمد الی جناہ ءِ بُت گوادر شھر ءِ تہ ءَ داں سَے ماہ ءَ گیش پشت نہ کپت۔اے بت ءِ جوڑ کنگ ءِ وھد ءَ ھمے گْوشگ بیتگ اَت کہ بلوچستان ءِ پُر ارزیشتیں شھر گوادر ءَ جناہ ءِ بُت داں دیر ءَ نہ مان ایت۔بی آر اے ءِ اے اُرش لشکری سوبمندی ءَ گیش یک چیدگی ارزیشتے دار ایت،انچُش کہ جناہ ءِ بُت اے جاہ ءَ یک چیدگے ءِ بنیاد ءَ جوڑ کنگ بیتگ داں جھان ءَ پیشدارگ بہ بیت کہ پاکستان بلوچستان ءِ تہ ءَ چنچُک مُھکم اِنت۔بی آر اے ءِ اے اُرش ءَ نہ ایوک ءَ مھمد الی جناہ ءِ بُت ھُرت ھُرت کُرت بلکیں استان ءِ مندوستی ھم گوں ھاکاں ھوار کُرت۔


بنشون: بیبگر بلوچ+اھوالکار | اکس: چاگردی رسانکدر