ریڈیو زْرمبش بلوچی | ریڈیو زْرمبش بلوچی

پنجگور:سی پیک ءَ ھواریں دگ ءِ سر ءَ ایپ ڈبلیو او ءُ پاکستانی لشکر ءِ چریک کُشتگ اَنت_بی آر اے

پنجگور:سی پیک ءَ ھواریں دگ ءِ سر ءَ ایپ ڈبلیو او ءُ پاکستانی لشکر ءِ چریک کُشتگ اَنت_بی آر اے

JUL

12
12 / 07 / 2021 بی آر اے 75

پنجگور: بلوچ استمانی لشکر ءِ جارکش بیبگر ءَ چہ پجار نہ بیتگیں جاھے ءَ ماں رسانکدر ءَ وتی شنگ کُرتگیں درشانی ءَ سی پیک ءَ ھواریں کسان دگ ءِ سر ءَ پاکستانی لشکر ءِ بندساچی شرکت ءُ زورگریں لشکر ءِ چریکانی کوش ءِ زمہ واری منّ اِتگ۔ بیبگر ءَ گْوشتگ کہ مرچی سُھب ءَ پنجگور ءِ ھند پروم گومازی ءَ سرمچاراں سی پیک ءَ ھواریں کسان دگے ءَ کارکنوکیں پاکستانی لشکر ءِ بندساچی شرکت ءِ کارمند ءُ پاکستانی لشکر ءِ چریکانی سر ءَ گوں نوکیں سلاھاں اُرش کُرتگ۔اُرش ءَ بندساچی شرکت ایپ ڈبلیو او ءُ پاکستانی لشکر ءِ چریکانی سَے کارمند مُرتگ ءُ بازینے ٹپی بیتگ۔ما یکبرے پد ءَ گوں ھندی مردماں دزبندی کنیں کہ آ اے شوربندی ءَ مُزوری ءُ کمکار جوڑ مہ بنت کہ اے بابت ءَ نی وتی اُرشاں تْرند تِر کنیں۔ بی آر اے ءِ جارکش ءَ گْوشتگ کہ مئے اُرش داں سرڈگار ءِ آجوئی ءَ زورگریں پاکستانی لشکر ءِ سر ءَ یلشکہ برجاہ بنت۔ بنشون: *درشان* | اکس: *زرمبش*