ریڈیو زْرمبش بلوچی | ریڈیو زْرمبش بلوچی

مردمی اگبالانی میان استمانی روچ ءَ بی این ایم مراگش برجم دار ایت

مردمی اگبالانی میان استمانی روچ ءَ بی این ایم مراگش برجم دار ایت

NOV

19

بلوچ راجی زْرمبشت (بی این ایم ) ءَ وتی شنگ کرتگیں درشانے ءَ گوشتگ کہ بلوچستان ءَ مردمی اگبالانی جاور روچ پہ روچ ھراب تر بیان اِنت۔ ھما روچ ءَ کہ پاکستان ءَ بلوچستان زور گیر کرتگ چہ ھما روچ ءَ پاکستانی لشکر ءَ ھزارھاں بلوچ زور بیگواہ ءُ ھزارھاں چہ آمیدگس ءِ پرمان ءَ ڈن کشگ ءَ پد آیانی ژانگولیں جون چگل داتگ اَنت، اے زوراکی برجاہ اِنت۔ آئی ءَ گوشتگ کہ 10 دسمبر ءَ مردمی اگبالانی میان استمانی روچ ءَ بی این ایم جھان ءِ جتائیں کنڈاں پاکستان ءِ زورگیری ءُ بلوچستان ءِ سر ءَ لشکری زوراکیانی بگیری ءَ زھرشانی کنت۔ بی این ایم ءَ گوشتگ کہ درسیں تکاں اے بارہ ءَ گْوشگ بیتگ۔ تکانی راھشون درانڈیھ ءَ مردمی اگبال پانکیں گلانی چارگزار ، سیاسی ءُ چاگردی مردماں دوچار بہ کپ اَنت ءُ آیاں بلوچستان ءِ ناگیگیں جاورانی بارہ ءَ سھی بہ کن اَنت۔ بنشون: درشان |اکس: زْرمبش