ریڈیو زْرمبش بلوچی | ریڈیو زْرمبش بلوچی

وت کشی ءُ بلوچستان: بی این ایم

وت کشی ءُ بلوچستان: بی این ایم

NOV

12

بلوچستان ءَ روزگار ءِ در ءُ پارست کم اَنت۔ گام گام ءَ پاکستانی لشکر ءَ پانگس بستگ ءُ نشتگ ھرکس کہ چہ آئی ءِ پانگساں گْوز ایت آئی ءَ پاکستانی لشکری وت سر ءَ دلسیاہ کن اَنت۔ پاکستانی لشکر ءَ گزرانک ءِ بنکی ئیں در چوش کہ دریاوردی ءُ سیمسری باپار وتی دست ءَ کرتگ اَنت ءُ مردم پہ چنڈے نان ءَ وتی وازمندگ جوڑ کرتگ اَنت۔ پاکستانی لشکر ءَ گزرانک ءِ بنکی ئیں در چوش کہ دریاوردی ءُ سیمسری باپار وتی دست ءَ کرتگ اَنت ءُ مردم پہ چنڈے نان ءَ وتی وازمندگ جوڑ کرتگ اَنت۔ پاکستانی لشکر میتگ ءُ بازار ءُ مردمانی لوگانی سر ءَ ھمروچ بیڑ بارت ءُ مردماں آزار دنت چہ ایشی ءَ بلوچستان ءِ گیشتریں مردم بے چاڑ ءُ تکانسریانی آماچ اَنت۔ پمیشکا باز مردم وت کشی کنگ ءَ اِنت۔ برجاھیں سال ءَ چہ پاکستانی لشکر ءِ آزار ءُ زوراکیاں دلسیاہ ءُ شزار بیتگیں 4 کساں وتکشی کرتگ۔ ❶ چاکر مجید (10 مارچ 2022) سالونکیں چاکر مجید کہ نوھمی پدانک ءِ نودربرے اَت۔ یک برے پاکستانی لشکر ءَ دزگیر کنگ ءَ پد زور بیگواہ کرت۔آزار دیگ ءُ یلہ کنگ ءَ پدھم آ مدام وتی بنجل ءَ لوٹائینت ءُ دلسیاہ کرت۔پاکستانی لشکر ءَ چہ آئی ءَ ھمے لوٹ اتگ کہ پہ آیاں چاریگی بہ کنت۔آئی ءَ اے زور ءُ زوراکی نہ سگ اِت اَنت ءُ وت کشی کرت۔ ❷ مھیم آسمی (30 اگست 2022) مھیم ء آسمی پاکستانی لشکر ءَ زور بیگواہ کنگ ءَ پد آزار دات۔بازیں لٹ ءُ کٹاں آئی ءِ زھن ءِ سر ءَ بدیں سان اشت ءُ آ بے تاھیریانی آماچ بوت۔گوں ھمے درد ءُ دوراں چہ وتی زند ءَ شزار بوت ءُ وتکشی ئِے کرت۔ ❸ امیر زادی یلانزھی ( 10 نومبر 2022) امیر زادی ءِ گس ءِ دو کس پاکستانی لشکر ءَ زور بیگواہ کرت ءُ ھمک شپ ءَ ٹپ ماں ٹپ آیانی لوگ ءِ سر ءَ بیڑ برت۔ چہ ایشی ءَ آ تکانسری ءِ آماچ بوت ءُ وت کشی کرت ئِے۔ ❹ لطف اللہ یلانزھی ( 10 نومبر 2022) امیرزادی ءِ لوگواجہ لتپ اللہ یلانزھی ءَ چہ وتی لوگبانک ءِ وت کشی ءَ پد وت ءَ ھم تیرے جت ءُ کشت۔ بنشون: درشان | اکس: زْرمبش