ریڈیو زْرمبش بلوچی | ریڈیو زْرمبش بلوچی

شال: بلوچ راجی زرمبشت (بی این ایم) ءِ جارکش ءَ وتی شنگ کرتگیں جارے ءِ تہ ءَ گوشتگ کہ بی این ایم ءِ جرمنی تک شمبے ءِ روچ 17 ستمبر 2022 ءَ ماں جرمنی ءِ شھر برلن ءَ یک روچی کانپرنسے برجم دار ایت. جارکش ءِ رد ءَ اے کانپرنس ءِ نیاد سے بھر ءَ اَنت، اولی بھر کہ ادار 11 داں ادار یک ءَ اِنت "بلوچستان ءُ دمگ ءِ چیردستیں راج" ءِ بُنگپ ءِ سر ءَ بیت. دومی بھر کہ ادار یک داں دو ءَ اِنت اوسپان ءِ وھد اِنت. اوسپان بزاں پہ ادارُکی دم ءِ پُر کنگ (اے وھد ءَ اتکگیں مھمان آپ ءُ تام کنگ بنت) سیمی بھر کہ ادار دو داں بیگاہ ءِ ادار پنچ ءَ اِنت، "بلوچستان ءَ پہ زوریں بیگواھیانی تہ ءَ گیشی ءُ میان استمانی راجانی کِرد" ءِ بُنگپ ءِ سر ءَ بیت. بی این ایم ءِ جار ءِ رِد ءَ اے کانپرنس "Residenzstra Berlin 5413409" ءَ برجم دارگ بیت. بنشون: بی این ایم | اکس: بی این ایم