ریڈیو زْرمبش بلوچی | ریڈیو زْرمبش بلوچی

چہ هپتیں دهکاں ریاست ءِ زوراکی ءُ مردمی اگبالانی بگیری اے موسمی کهرانی وھداں هم برجاه اَنت۔ پانک

چہ هپتیں دهکاں ریاست ءِ زوراکی ءُ مردمی اگبالانی بگیری اے موسمی کهرانی وھداں هم برجاه اَنت۔ پانک

SEP

12
12 / 09 / 2022 بی این ایم 55

بلوچ راجی زرمبشت ( بی این ایم ) ءِ مردمی اگبالانی اداره پانک ءَ وتی شنگ کرتگیں درشان ءَ گوشتگ کہ انیگیں بشّی تُرندیں هور ءُ هاراں مزنیں هند ءُ دمگے بُرتگ ءُ لکانی کچ ءَ سانمند کرتگ، پہ ھار آماچیں مردماں اے کمک ھچ نہ اَنت۔ آئی ءَ گوشتگ کہ سانمندیں مردماناں بُنکی آسراتی رسگ ءَ نہ انت ءُ آ زگریں روچ ءِ سر ءَ وتی زند ءِ گوازینگ ءَ لاچار اَنت۔ اے اولی رند نہ انت کہ بلوچستان چشیں مزنیں هارانی آماچ بیتگ، چہ ایشی ءَ پیش هم چشیں مزنیں کهر آتکگ اَنت۔ اے وڑیں ھارانی مستریں سبب کمین ءُ نزوریں بن ساچ ءُ بدتْرامی اِنت۔ بے کاریں بند ءُ بست کنگ ءِ سوب ءَ ودی بنت۔ بلے بلوچستان ءَ چشیں کهرانی آماچیں مردم مدام ڈالچار کنگ بنت۔ آئی ءَ گوشتگ کہ اے هپتیں دهکاں ریاست ءِ زوراکی ءُ مردمی اگبالانی بگیری کنگ اے موسمی کهرانی وھداں هم برجاه اَنت - آئی ءَ گوشتگ کہ بلوچستان ءَ چشیں روچے نہ گوزیت بلوچ بیگواه کنگ ءُ کُشگ نہ بنت۔ گوں میان استمانی ادارهاں دزبندی انت کہ درستاں پیش آ وت بلوچستان ءَ بیا اَنت هار آماچیں مردمانی جاوراں بہ گند انت ءُ چہ همے رنگ ءَ ریاست ءِ رستری کُشت ءُ کوشاں سانمندیں مردمانی کهولاں بچار انت ءُ مردمی اگبالانی بگیریانی باروا جُست ءُ پُرس ءَ بکن اَنت۔ بنشون: درشان | اکس: مونوگرام