ریڈیو زْرمبش بلوچی | ریڈیو زْرمبش بلوچی

بلوچستان ءَ گْوستگیں ماہ ءَ چہ ریاستی واکانی نیمگ ءَ 55 مردم پہ زور بیگواہ ءُ 5 کشگ بیتگ-پانک ءِ ماھی گزارش

بلوچستان ءَ گْوستگیں ماہ ءَ چہ ریاستی واکانی نیمگ ءَ 55 مردم پہ زور بیگواہ ءُ 5 کشگ بیتگ-پانک ءِ ماھی گزارش

SEP

07
07 / 09 / 2022 بی این ایم 61

شال: بلوچستان ءَ مردمی اگبالانی جاور ءِ نیمگ ءَ دلگوش کنوکیں مردمی اگبالانی پانک جنیں ادارہ ’ پانک‘ ءَ بلوچستان ءَ مردمی اگبالانی سر ءَ اگست ءِ گزارش شنگ کرتگ۔ گوں بلوچ راجی زْرمبشت ( بی این ایم ) ءِ مردمی اگبالانی تک ءَ ھمگرنچیں ادارہ ’ پانک‘ ءِ رد ءَ گْوستگیں اگست ءَ پاکستانی لشکر ءِ دست ءَ 22 نودربرانی پجیگ ءَ 55 کس پہ زور بیگواہ کنگ ءُ 5 کس کشگ بیتگ۔ گزارش ءِ رد ءَ اگست ءَ 4 کس پہ زور بیگواہ کنگ ءَ پد پولیس ءِ دست ءَ دیگ بیتگ اَنت ءُ آیانی سر ءَ دروگیں کیس جنگ بیتگ وھدے کہ چہ آزار جاھاں 37 زور بیگواھیں مردم در کنگ بیتگ۔ آزار دیگ ءِ کارپداں 4 کس سکا ٹپی ھم بیتگ۔ گزارش ءِ رد ءَ چہ جولائی ءَ بنا بیتگیں شال ءِ گورنرگس ءِ دیم ءَ برجاھیں زھرشانی نندانک ءَ 47 روچ ءَ گیش اِنت بلے آیانی لوٹانی پیلو کنگ دیریں گپے آیانی گپ گوں سنگینی ءَ گوش دارگ ھم نہ بیگ ءَ اَنت۔ ھمے میان ءَ بلوچستان ءَ زورگریں لشکر ءُ آئی ءِ چیریں واکانی دست ءَ پہ زور بیگواھی ءُ آمیدگس ءِ پرمان ءَ ڈن کشگ ءُ چگل دیگ ءِ کارانی تہ ءَ گیشی اتکگ۔ بنشون: گزارش | اکس: مونوگرام