ریڈیو زْرمبش بلوچی | ریڈیو زْرمبش بلوچی

بلوچ راجی زْرمبشت ( بی این ایم ) ءَ ماں رسانکدر ءَ وتی شنگ کرتگیں جارے ءَ گوشتگ کہ چہ بی این ایم زرباری کوریا تک ءِ نیمگ ءَ بوسان شھر ءِ بوسان اسٹیشن ءِ دیم ءَ بلوچستان ءِ سر ءَ پاکستان ءِ زورگری ءِ 75سال سرجم بیگ ءِ درگت ءَ زھرشانی کنگ بیت۔ آئی ءَ دیمتر ءَ گوشتگ کہ اے زھرشانی ءِ مول جھان ءَ بلوچستان ءِ انیگیں جاورانی بارہ ءَ سھی کنگ اِنت، کہ آ اود ءَ پاکستانی لشکر ھمروچ مردمی اگبالانی ٹوھیں بگیری کنگ ءَ اِنت۔ جار ءِ گُڈسر ءَ گوشگ بیتگ کہ زھرشانی بوسان اسٹیشن ءَ 26 مارچ ءَ بیگاہ ءِ ادار 3 ءَ دام 5 برجاہ بیت۔ #27MarchBlackDay #BalochistanCrisis بنشون: جار | اکس: بی این ایم