ریڈیو زْرمبش بلوچی | ریڈیو زْرمبش بلوچی

پاکستانی لشکر ءِ زوراکیاں ءُ رستریاں گل ءِ باسک بانک کیگد شھید بیتگ_ بی این ایم

پاکستانی لشکر ءِ زوراکیاں ءُ رستریاں گل ءِ باسک بانک کیگد شھید بیتگ_ بی این ایم

JUL

25
25 / 07 / 2021 بی این ایم 112

بلوچ راجی زْرمبشت (بی این ایم) ءِ جارکش ءَ گْوشتگ کہ کیچ گومازی ءَ پاکستانی لشکر ءَ بی این ایم ءِ پیشگیں کمک سرکماش گُلام نبی،سیٹ پُلان،کریمداد،مولابکش،سیٹ الی ءُ گُلام نبی ءِ نزیکیں سیاد ءُ مردمانی گساں بیڑ بُرتگ،زھگ ءُ جنین زوراکی ءِ نشانگ کُرتگ اَنت ءُ چہ پاکستانی لشکر ءِ زوراکی ءُ رستریاں گل ءِ باسک بانک کیگد ء اندللہ شھید بیتگ۔ جارکش ءَ گْوشتگ کہ پاکستانی لشکر ءَ اے لشکر کشی ءَ آلم ء سلام جھمنند چیری بازار گومازی دزگیر کنگ ءَ پد بیگواہ کُرتگ۔ آئی ءَ گْوشتگ کہ بانک کیگد ایشی ءَ پیش ھم پاکستانی لشکر ءِ زوراکیانی نشانگ بیتگ،آئی ءِ دو ورنائیں بچ سگیر ءُ کدیر لشکر ءَ آوارجتگ ءُ بازیں آزار دیگ ءَ پد نیمرگیں جاوراں یل کُرتگ اَنت۔اے دُرسیں زوراکیاں ابید بانک کیگد گوں گل ءَ بندوکی ءُ راجی آجوئی ءِ جوزگ ءِ تہ ءَ دگری نہ یتکگ گڑا مرچی پاکستانی لشکر ءَ گوں زوراکی ءُ رستریاںُ شھید کُرتگ۔ جارکش ءَ گْوشتگ کہ پاکستان لشکر ءِ نیمگ ءَ بلوچ راج ءِ بگیری ءَ مُچی سزا ءِ درچ برجاہ اِنت۔بلے پاکستانی استان ءِ انیگیں بیست سالانی زوراکیاں ابید بلوچ راج ءَ پےشداشتگ کہ زندگیں راج پہ کُشگ ءُ بیگواہ کنگ ءُ ناشرکاریاں ھلاس کنگ نہ بیت بلکیں پہ وتی راجی ھستی ءِ پھریزگ ءَ دیمونی ءِ جوزگ گیش توانمند بیت۔ آئی گْوشتگ کہ بانک کیگد ءِ داتگیں دیمونی بیھال کنگ نہ بنت ءُ گل شھیدانی داتگیں دیمونی ءُ لوٹانی آسر کنگ ءَ ھمک پیمیں دیمونی ءَ چک ءُ پد نہ بیت۔ بنشون:درشان /اکس:دامگ