ریڈیو زْرمبش بلوچی | ریڈیو زْرمبش بلوچی

پاکستانی لشکر ءِ زوراکیانی بگیری ءَ جرمنی ءِ شھر کیمنٹس ءَ بی این ایم ءَ زھرشانی کُرتگ

پاکستانی لشکر ءِ زوراکیانی بگیری ءَ جرمنی ءِ شھر کیمنٹس ءَ بی این ایم ءَ زھرشانی کُرتگ

JUL

25
25 / 07 / 2021 بی این ایم 79

شال: بلوچ راجی زْرمبشت (بی این ایم) ءِ جارکش ءَ گْوشتگ کہ پاکستانی زوراکی ءُ بلوچ چکچینی ءِ بگیری ءَ برجاھیں میان استمان ءِ سرپدی تُکشام ءِ درچ ءَ بیگواھیانی بگیری ءَ جرمنی ءِ استان ساکسن ءِ شھر کیمنٹس ءَ زھرشانی کنگ بیتگ۔زھرشانی ءَ استان ءِ جتائیں دمگاں اتکگیں بلوچاں بھر زُرتگ۔زھرشانی ءَ پاکستانی لشکر ءُ چیریں تْرامگیجانی بگیری ءَ اوگام جتگ ءُ بلوچستان ءَ بیتگیں زوراکی ءُ بیگواھیں مردمانی بابت ءَ پنتاک بھر کنگ بیتگ۔ گوں مُچی ءَ تران کنان ءَ ترانکاراں گوں اکوامتھدہ،یورپی یونین ءُ آدگہ مردمی اگبالانی گلاں دزبندی کُرتگ کہ آ بلوچستان ءَ پاکستانی زوراکیانی بگیری ءَ توار چیست بہ کن اَنت ءُ بیگواھیں بلوچانی دیم ءِ آرگ ءَ پاکستانہ ءِ سر ءَ زور بہ دیئنت۔ گُڈی ءَ جرمنی ھنکین ءِ کارمستر دوستین ءَ تران کُرتگ ءُ گْوشتگ کہ بلوچستان ءَ چہ 70 سالاں پاکستانی لشکر ءِ زوراکی یکشلہ برجاہ اِنت،اود ءَ چوشیں یک روچے نیست کہ نودربر،ٹیچر، زانوگر ءُ جتائیں بھرگاں سیادی داروکیں مردمے بیگواہ یا شھید کنگ نہ بیت۔ آئی مُچی ءِ منت گیپتگ ءُ کول کُرتگ کہ بلوچستان ءِ توار ءَ داں جھان ءَ سرکنگ ءَ مئے جُھد مدام برجاہ بیت۔ بنشون: درشان | اکس: بی این ایم