ریڈیو زْرمبش بلوچی | ریڈیو زْرمبش بلوچی

مند ءَ جنین ءِ کوش،مستونگ ءَ جنین ئیں ٹیچر آنی سر ءَ اُرش ءُ بولاں ءَ کلپیں میڑ زوراکی ءِ درچ اِنت_بی این ایم

مند ءَ جنین ءِ کوش،مستونگ ءَ جنین ئیں ٹیچر آنی سر ءَ اُرش ءُ بولاں ءَ کلپیں میڑ زوراکی ءِ درچ اِنت_بی این ایم

JUN

22
22 / 06 / 2021 بی این ایم 102

شال: بلوچ راجی زْرمنبشت( بی این ایم) ءِ بنجاھی جارکش ءَ گْوشتگ کہ مارواڑ بولان ءَ بیگواہ بیتگیں مردم پاکستانی لشکر ءَ کُشتگ اَنت ءُ زورکی ءِ یک نوکیں درورے برجم کُرتگ۔ھمے وڑ ءَ مستونگ ءَ جنین ئیں ٹیچر آنی سر ءَ اُرش بلوچ دودمان ءِ لپاشگ زورگریں استان ءِ شونداتانی بھر اِنت۔زورگریں استان پاکستان مئے دودمان ءِ ھلاس کنگ ءَ وڑ وڑیں پندل سازگ ءَ اِنت۔ جارکش ءَ گْوشتگ کہ بولان ءَ پاکستانی لشکر ءَ پیسر ءَ بیگواھیں الی بیگ ءِ ڈاھی،ھیرو ء شاھمیر،مراد ء نھل ھان ءُ مراد بکش ء نورھان شھید کُرت اَنت کلپیں میڑ ءِ نام داتگ۔راستی ءَ اے دُرسیں مردم چہ جتاجتائیں جاھاں پاکستانی لشکر ءَ آوار جتگ ءُ بیگواہ کُرتگ اَنت۔۔ آئی گْوشتگ کہ مستونگ ءَ جنین ئیں ٹیچر آنی سر ءَ اُرش بلوچ دودمان ءِ سر ءَ اُرش کنگ اِنت۔ایشی ءَ پیش ھم استانی تْرامگیجاں جنین ئیں ٹیچر،وانگجاہ ءُ نودربر نشانگ کُرتگ اَنت۔پہ اے کار ءَ پنجگور ءَ پُرکان الاسلام ءِ نام کارمرد کنگ بیتگ اَت۔ گوادر ءَ زاھد آسکانی شھید کنگ ءَ داھش ءِ نام کارمرد کنگ بوت داں آ وانگ ءُ زانگ ءِ سر ءَ گِر ءُ دار کُرت بہ کن اَنت۔بلوچ چاگرد ءَ جنین ءَ یک مزنیں شرپ ءُ جاھے ھست۔بلوچستان ءِ سر ءَ پاکستانی زورگری ءَ پد اے بلوچ چکچینی ءِ ھواری ءَ مئے دودمان ءَ لپاشگ ءُ مئے چاگرد ءَ مزھبی ناشرکاری ءِ نیمگ ءَ برگ ءِ جُھد کنگ بیگ ءَ اِنت۔ جارکش ءَ گْوشتگ کہ مند ءَ یک زھگے ءِ زوراکی ءِ رکینگ ءَ جنین ءِ کوش بژنی گپے،ایرجنگ ءُ بلوچ دودمان ءِ بگیری ءَ اِنت۔کشندھانی پاکستانی لشکر ءِ بنجل ءَ باھوٹ بیگ اے چیز ءَ پدر کنت کہ پاکستان چوشیں رسترانی دلبڈی ءَ کنت،داں جنینانی آجوئی دارگ بہ بیت ءُ بلوچ چاگرد ءِ دودمانی آزات ھیالی ءُ سیکولر پجار لپاشگ بہ بیت۔ جارکش ءَ گْوشتگ کہ بلوچ راج ءَ پیش ءَ ھم پاکستانی زوراکی ءِ دیم پہ دیمی کُرتگ ءُ دیم ءَ ھم کنت،بلےجھان ءِ بےتواری پاکستانی زوراکی ءُ رستری ءِ گیش کنگ ءِ سْوب جوڑ بیتگ۔ بنشون: *درشان* | اکس: *زرمبش*