ریڈیو زْرمبش بلوچی | ریڈیو زْرمبش بلوچی

ڈاکٹر دین مھمد ءِ دوازدہ سال سرجم بیگ ءِ بگیری ءَ برتانیا ءِ مزن وزیر ءِ گس ءِ دیم ءَ زھرشانی کنگ بیتگ_بنجاھی جارکش بی این ایم

ڈاکٹر دین مھمد ءِ دوازدہ سال سرجم بیگ ءِ بگیری ءَ برتانیا ءِ مزن وزیر ءِ گس ءِ دیم ءَ زھرشانی کنگ بیتگ_بنجاھی جارکش بی این ایم

JUN

21
21 / 06 / 2021 بی این ایم 87

بلوچ راجی زْرمبشت (بی این ایم) ءِ جارکش ءَ گْوشتگ کہ برتانیا ءِ بنجاہ لندن ءَ برتانیا ءِ مزن وزیر ءِ گس ءِ دیم ءَ گل ءِ نیمگ ءَ ڈاکٹر دین مھمد ءِ دوازدہ سال ءِ بیگواھی ءِ درگت ءَ زھرشانی یے کنگ بیتگ۔زھرشانی ءَ بی این ایم ءِ باسکاں ابید بی آر پی، بلوچ ھیومین رائٹس آرگنائزیشن، ورلڈ سندی کانگریس ءِ باسکاں مزنیں کچے ءَ بھر زُرتگ۔ بی این ایم برتانیا ھنکین ءِ سرکماش ھکیم ءَ تران کنان ءَ گْوشتگ کہ بی این ایم گوں دُرساں ھوار بیگ ءُ جُھد کنگ ءَ جاڑی اِنت۔بلوچ سندی پورم اے گپ یک درورے۔مئے مرچیگیں زھرشانی مئے راھشون ڈاکٹر دین مھمد ءِ دوازدہ سال ءِ بیگواھی ءِ بگیری ءَ اِنت۔ما دُرس چہ یکیں گل ءِ نیمگ ءَ جُھد کنگ ءَ بیتگیں۔یک روچے ھال اتکگ کہ ڈاکٹر دین مھمد پاکستانی چیریں تْرامگیجاں آوار جتگ ءُ بیگواہ کُرتگ۔بی این ایم ءِ دو سروک گپور ءُ رمزان ھم یک دھکے ءَ گیش اِنت کہ بیگواہ اَنت۔ھمے وڑ ءَ نودربر سروک ذاکر مجید ھم دوازدہ سال بیت کہ بیگواہ اِنت۔  ھکیم ءَ گْوشتگ کہ بازیں بلوچ ءُ سندی سیاسی کارکنے آوارجنگ ءُ بیگواہ کنگ ءُ کشگ بیتگ۔ایوک ءَ ھمے ماہ ءَ بیست ءَ گیش بلوچ آوار جنگ ءُ بیگواہ کنگ بیتگ۔اے زوراکیانی سر ءَ گپ جنوک ھم بیگواہ کنگ بنت۔گپ جنگ ءِ ھک کس ءَ نیست۔راشد ھسین چہ ارب امارات ءَ پاکستان ءِ دست ءَ دیگ بیتگ۔آ سَےسال اِنت کہ بیگواہ اِنت۔یک دگہ جیڑھے کہ مابلوچ سندی دوئیں آماچیں آ چین پاکستان اکنامک کوریڈو (سی پیک) ءِ دروشُم ءَ چین ءِ بلوچستان ءُ سند ءِ سر ءَ اُرش۔گوادر ءِ ھندی مردم پہ آپ ءُ لین ءَ زھرشانی کنگ ءَ اَنت۔بلوچاں پہ گوادر ءَ جنگ لُرتگ۔گھرام نادل دوازدہ جون ءَ آوار جنگ ءُ پانزہ جون ءَ آئی ءِ کھول رھوت کنگ بیتگ کہ بیا اِت گھرام ءِ لاش ءَ بہ بَر اِت۔ھمے وڑ ءَ یک کلپیں میڑے ءَ بولان ءَ چار بیگواھیں بلوچ شھید کنگ بیتگ۔یازدہ سالی مراد امیر ءِ گون ءَ پاکستانی لشکر ءِ بدکاری کُرت۔مارا مردم سرپد کنگی اَنت کہ ما اد ءَ ٹکس دیگ ءَ ایں۔مارا آ سرپد کنگی اَنت آ اے ٹکساں پاکستان ءَ کمک کنگ ءَ اَنت ءُ آ مئے چکچینی ءَ کنگ ءَ اِنت۔ بی آر پی ءِ منسور ءَ گْوشتگ کہ مارا پاکستانی زوراکی ءِ بگیری ءَ یکجاہ بیگ ءُ جُھد کنگی اِنت۔ بی ایچ آر سی ءِ سمد ءَ وتی تران ءِ تہ ءَ پہ ھم سنت بیگ ءَ زور داتگ ءُ گْوشتگ کہ بلوچستان ءَ ھرچی زوراکی کہ بیگ ءَ اِنت اے بابت ءَ ما جھان ءَ سرپدی بہ دئیں۔ مھناز ءَ گْوشتگ کہ مئے زھگ ءُ جنین بلوچستان ءُ پاکستان ءِ پریس کلبانی دیم ءَ در پہ در اَنت۔پاکستان ءِ زوراکی ءِ سْوب ءَ آ دگانی سر ءَ نشتگ ءُ گریوگ ءَ اَنت۔ما اِد ءَ درانڈیھ ءَ نشتگیں بایدیں ما دُرس آیانی توار جوڑ بہ بیں۔مارا وتی کسان کسانیں جیڑہ ھلاس کنگ ءُ یکجاہ بیگ ءُ یک مھکمیں توارے جوڑ بیگی اِنت۔  ورلڈ سندی کانگریس ءِ ڈاکٹر ھدایت بٹو ءَ گْوشتگ کہ پاکستان مارا بلوچ ءُ سندیانی سر ءَ یکیں وڑ ءَ زوراکی کنگ ءَ اِنت۔راستی ءَ پاکستان بس بلوچستان ءُ سند ءَ نہ بلکیں سرجمیں جھان ءَ ناشرکاری کنگ ءَ اِنت۔برتانیا ءَ ھم پاکستان ءِ ھیلکاری داتگیں ناشرکار کاینت ءُ رستری کن اَنت۔جھان ءَ اے گپ ءِ سر ءَ جیڑگ لوٹ ایت کہ پاکستان پہ سرجمیں جھان ءَ تُرسناک اِنت۔


بنشون:پریس ریلیز،اکس: بی این ایم