ریڈیو زْرمبش بلوچی | ریڈیو زْرمبش بلوچی

ڈاکٹر دین مھمد ءِ بیگواھی ءَ 12 سال سرجم بیتگ،بی این ایم جتائیں ڈیھاں زھرشانی کنت

ڈاکٹر دین مھمد ءِ بیگواھی ءَ 12 سال سرجم بیتگ،بی این ایم جتائیں ڈیھاں زھرشانی کنت

JUN

17
17 / 06 / 2021 بی این ایم 91

شال:گل ءِ پیشگیں بنجاھی پتر ءِ باسک ڈاکٹر دین مھمد ءِ بیگواھی ءَ 12 سال سرجم بیگ ءِ بگیری ءَ بی این ایم جتائیں ڈیھاں زھرشانی کنت۔ بی این ایم گوٹنگن جرمنی ، 19 جون ءَ ڈاکٹر دین مھمد ءِ بیگواھی ءِ بگیری ءَ زھرشانی کنت۔زھرشانی ءَ آواران ءَ وتکشی ءَ لاچار کنگ بیتگیں شھید نورجان ھارون ءِ جیڑہ ھم پدر کنگ بیت۔ 20 جون کو 10 ڈاؤننگ اسٹریٹ ءَ برتانیا ءِ مزن وزیر ءِ گس ءِ دیم ءَ بی این ایم ءِ سروک ءِ بیگواھی ءِ جیڑہ ءِ سر ءَ زھرشانی کنگ بیت۔ ھمے درچ ءَ 26 جون ءَ زوراکی ءِ آماچیں مردمانی پلہ مرزی ءَ جھانی روچ ءِ درگت ءَ ڈاکٹر دین مھمد ءِ بیگواھی ءِ بابت ءَ بی این ایم ءَ نیدر لینڈ ءَ ھم زھرشانی ءِ جار جتگ۔ بلوچ راجی زْرمبشت ءِ سروک ڈاکٹر دین مھمد 28 جون 2009 ءَ چہ اورناچ ھزدار ءَ چہ سرکاری نادراھجاہ ءَ پاکستانی لشکر ءِ کارمنداں آوار جنگ ءَ پد بیگواہ کُرتگ اَت۔بی این ایم یک پرایمنیں درپارلیمانی سیاسی گلے کہ پہ بلوچستان ءِ آجوئی ءَ جُھد کنگ ءَ اِنت۔بی این ایم ءِ گیشتریں سروک ءُ باسکاں ھوار گل ءِ بنداتی سرکماش گلام مھمد پاکستانی لشکر ءَ بیگواہ کنگ ءَ پد شھید کُرت،ایشی ءَ ابید دگہ بازیں بنجاھی پتر ءِ باسک ءُ سروک پاکستانی لشکر ءَ شھید کُرتگ اَنت۔