ریڈیو زْرمبش بلوچی | ریڈیو زْرمبش بلوچی

پاکستانی لشکرءَکمک سرکماشءَھوارشھریانی گساں بیڑبرتگءُلُٹءُپُل کُرتگ-بی این ایم

پاکستانی لشکرءَکمک سرکماشءَھوارشھریانی گساں بیڑبرتگءُلُٹءُپُل کُرتگ-بی این ایم

MAY

16
16 / 05 / 2021 بی این ایم 92

شال:بلوچ راجی زْرمبشت (بی این ایم) ءِ جارکش ءَ گومازی ءَ گل ءِ کمک سرکماش گلام نبی ءِ گس ءِ سر ءَ بیڑ ءُ کھول ءِ سر ءَ زوراکی کنگ ایرجتگ ءُ گْوشتگ:مرچیگیں وئیل گل ءِ بگیری ءَ پاکستانی استان ءِ زوراکی ءُ مچی سزا ءِ درچ ءِ بھر اِنت۔بلے بی این ایم پہ چوشیں پندلاں بیم ءِ آماچ نہ بیت۔بی این ایم ءِ سروک ءَ ابید ملا بلال، سیٹ پلان، مبارک، ھدادات ء جنگی ءُ ابدل سمد ءِ گساں ھم پاکستانی لشکر ءَ بیڑ بُرتگ۔اے میان ءَ گسانی تہ ءَ پْرشت ءُ پروش کنگ ءُ گرانھادیں سامان لُٹ ءُ پُل کنگ بیتگ اَنت۔ملا بلال ءِ زھگ کیوم ءُ سابت آوار جتگ ءُ بیگواہ کُرتگ اَنت۔گومازی ءَ ابید مند،مھیر ءَ ھم لشکرکشی برجاہ اِنت کہ چہ اود ءَ ابد لتیپ ء ولی داد ءَ پاکستانی لشکر ءَ آوار جنگ ءَ پد بیگواہ کُرتگ۔
گْوستگیں روچ ءَ گومازی ءَ پاکستانی لشکر ءَ گل ءِ کمک سرکماش گلام نبی ءِ گس ءَ بیڑ بُرتگ،زھگ ءُ جنین تُرسینتگ اَنت۔اے اولی رند نہ اِنت کہ بی این ایم ءِ کمک سرکماش گلام نبی ءِ گساں بیڑ برگ بیتگ،بلکیں ایشی ءَ پیش باز رند ءَ پاکستانی لشکر ءَ آئی ءِ گسانی سر ءَ اُرش کُرتگ۔


گومازی ءَ گْوستگیں سَے روچاں بازیں مردمے پاکستانی لشکر ءَ آوار جتگ ءُ بیگواہ کُرتگ۔ایشانی تہ ءَ ھما مردم ھم ھوار اَنت کہ ایشان ءَ پیش ءَ ھم لشکری لشکرکشیانی میان ءَ آوار جتگ ءُ بیگواہ کنگ ءَ پد یل کنگ بیتگ اَنت۔ایشانی تہ ءَ ھدا دات ء جنگی، سگیر ء ابدل سمد، تارک ء لیاکت، کیوم ء ملا بلال، سابت ء ملا بلال، شاھبیک ء داد کریم، ماجد ء رشید، اسمائیل ء ھسین، الم ء سلام، ابدلتیپ ء ولی داد، بلوچ ء واھد،ھمل ء واھد۔


گْوستگیں دو دھکاں بلوچستان ءَ یک چکچینی یے برجاہ اِنت۔بلوچستان ءِ آجوئی زْرمبشت ءِ لپاشگ ءَ زورگریں پاکستانی لشکر بیگواھی،بہ کُش ءُ چگل دئے ءَ ھوار وڑ وڑیں پندل کارمرد کنگ ءَ اِنت۔بی این ایم ءِ راھشون چیئرمین گُلام مھمد ءُ کارگشاد ڈاکٹر منان ءَ ھوار بازیں بنجاھی سروکے پاکستان ءِ دست ءَ کُشگ،آوار جنگ ءُ بیگواہ کنگ بیتگ۔


پاکستان گوں چوشیں زوراکیاں بلوچ راج ءَ چہ راجی زْرمبشت ءَ دزکش کنگ ءِ جُھد کنگ ءَ اِنت۔بلے بلوچ راجی بچانی دیمونی ءُ برجاھیں زْرمبشت ءَ اے منّارینتگ کہ پہ زوراکی ءَ راج چہ وتی جُھد ءَ پشکِنز کنگ نہ بنت۔