ریڈیو زْرمبش بلوچی | ریڈیو زْرمبش بلوچی

پاکستان ءِ آزارجاھاں شبیر ءِ زندگی تُرس ءِ تہ ءَ اِنت۔ بی این ایم

پاکستان ءِ آزارجاھاں شبیر ءِ زندگی تُرس ءِ تہ ءَ اِنت۔ بی این ایم

OCT

04
04 / 10 / 2021 بی این ایم 88

بلوچ راجی زْرمبشت ءِ لپاشگ ءَ سیاسی سروکانی زورانسری بیگواھی استان ءِ زوراکی ءَ پدر کنت۔بی این ایم ءِ بنجاھی جارکش بلوچ راجی زْرمبشت( بی این ایم ) ءِ بنجاھی جارکش ءَ بلوچ نودربر گل آزات ءِ پیشگیں رسانکدری کارگشاد شبیر ءِ زورانسری بیگواھی ءِ پنچ سال سرجم بیگ ءِ سر ءَ وتی درشانی ءَ گْوشتگ کہ شبیر نودربر سروکے بیتگ کہ بلوچ راجی زْرمبشت ءِ زانشی جُھد ءِ بنیاد ءَ استان ءِ تْرامگیجاں لوگبانک ءِ دیم ءَ زورانسری آوار جتگ۔پنچ سال ءِ دراجیں مُدت ءَ شبیر ءِ زندگی ءِ بابت ءَ آئی ءِ کھول ءَ ھچ سرپدی دیگ نہ بیتگ کہ آ چون اِنت۔بی ایس او آزات ءُ آئی ءِ گھار ءُ لوگبانُک ءَ پہ شبیر ءِ پدجنگ ءَ دُرسیں پُرایمنیں بنشون کارمرد کُرتگ اَنت بلے بس آئی کھول دلبڈی دیگ بیتگ۔کِردی بنیاد ءَ پہ آئی ءِ آجوئی ءَ ھچ کنگ نہ بیتگ کہ اے یک پژنی گپے۔ جارکش ءَ گْوشتگ کہ پاکستانی آزارجاھاں شبیر ءِ زندگی ءِ تُرس ھست اِنت چے ءَ کہ شبیر ءَ پیش بازیں بلوچ سیاسی کارکن زورانسری بیگواہ کنگ ءِ وئیل دیم ءَ اتکگ اَنت کہ آ آزارجاھاں باز آزار دیگ ءُ پدءَ آ ژانگولیں لاش ءِ دروشُم ءَ چگل دیگ بیتگ اَنت۔ زورگری استان بلوچ راجی زْرمبشت ءِ لپاشگ ءَ سیاسی سروک بیگواہ ءُ ژانگولیں لاش چگل داتگ اَنت۔اے پہ استان ءِ زوراکی ءِ پدر کنگ ءَ بس اَنت۔ جارکش ءَ گْوشتگ کہ استان وتی کْوھنیں دروشُم ءِ بنیاد ءَ بلوچ راج ءَ نوآبادیاتی بے سمائی ءِ نیمگ ءَ برگ ءِ جُھد کنگ ءَ اِنت،اے بابت آ بلوچ راج ءُ گیش ورنایاں چہ زانشی جُھد ءَ دارگ ءِ جُھد کنگ ءَ اِنت۔ایشی ءِ بگیری ءَ شبیر ءِ پیمیں ورنایانی جُھد استان ءِ چماں کُنٹگ اِنت ءُ پمشکہ استان وتی راہ ءِ ساپ کنگ ءَ شبیر ءُ آدگہ سیاسی سروکاں زورانسری بیگواھی ءِ نشانگ کنگ ءَ اِنت۔ بنجاھی جارکش ءَ وتی درشان ءِ گڈی ءَ شبیر ءِ کھول ءِ نیمگ ءَ باندا کراچی پریس کلب ءِ دیم ءَ زھرشانی ءِ بابت ءَ گوں بلوچ راج، سول سوسائٹی ءُ آدگہ ایردستیں راجاں بھر زورگ ءِ دزبندی کُرتگ۔


بنشون :درشان /اکس:زْرمبش