ریڈیو زْرمبش بلوچی | ریڈیو زْرمبش بلوچی

بلیدہ ءَ پاکستانی لشکر ءِ ناشرکاریءَ گوں ترندیءَ ایر جنیں –بی این ایم

بلیدہ ءَ پاکستانی لشکر ءِ ناشرکاریءَ گوں ترندیءَ ایر جنیں –بی این ایم

OCT

02
02 / 10 / 2021 بی این ایم 95

بلوچ راجی زْرمبشت( بی این ایم ) ءِ بنجاھی جارکش ءَ بلیدہ ءَ پاکستانی لشکر ءَ یک گسے ءَ بیڑ بُرتگ،تیرگْواری ءَدہ سالی زھگ ءِ شھید کنگ گوں تْرندی ءَ ایر جتگ ءُ گْوشتگ کہ دہ سالی زھگ رمیز ءِ کوش ءُ ھپت سالی رایان ءِ ٹپی بیگ ءِ وئیل بلوچستان ءَ برجاھیں زوراکی ءِ دْرچ اِنت۔اے رستری ءِ آماچ دہ سالئ رمیز ءِ شھیدی ءِ دروشُم ءَ بہ بیت یا سیزدہ سالی امیر مراد ءِ گون ءَ بدکاری ءِ وئیل اے دُرس پاکستانی شوندات ءِ بھر اَنت کہ بلوچستان یک کالونی جوڑ کنگ ءَ پد بندات کنگ بیتگ اَنت۔ جارکش ءَ گْوشتگ کہ اے یک سکیں ایرجنگی ءُ پژناکیں کارے۔اے ھما وئیلانی دْرچ اِنت کہ سرجمیں بلوچستان ءَ ھمک روچ بیگ ءَ اَنت۔اے ایردستی ءِ نشانی اَنت۔ایردستیں راجانی گون ءَ بیتگیں اے رویشت گْوستانک ءَ مارا دست کپ اَنت۔بلے بیست ءُ یکمی کرن ءَ یک ڈیھے کالونی جوڑ کنگ ءُ ایردستیں رویشت ءِ دارگ مردمگری ءُ مردمی ارزیشتانی چَپ ءَ اِنت۔پاکستان اے نوکیں دور ءَ ھم بلوچستان ءَ زورگِر ءُ کالونی دارگ ءُ زوراکی کنگ ءَ اِنت۔ایشی ءِ درور مرچیگیں جھان ءَ بوت کنت کہ دز مہ کپ ایت۔ آئی گْوشتگ کہ جھان ءِ تھا بازیں گلے پہ مردمانی زندمان ءَ جُھد کنگ ءَ اَنت۔بلے پاکستان جھان ءِ ھرچیز کنت،نہ ایوک ءَ کالونیلزم برجاہ داشتگ بلکیں زوراکی ءَ زھگاں ھم نشانگ کنگ ءَ اِنت۔اے رویشت پہ زرگیپتیں گُلاماں برجاہ دارگ بیتگ۔مرچیگیں جھانی دیمروی کنگ ءَ پد جھان ءَ چوشیں وئیل نہ بیگ ءِ برابر ءَ اِنت بلے پاکستان مرچی ھم بلوچستان ءَ کرون وستا ءِ ایردستانی سر ءَ بیتگیں رویشت برجاہ داشتگ۔ جارکش ءَ گْوشتگ کہ بلیدہ ءَ بی ایس او ءِ سرکماش زریپ رند ءِ گس ءِ سر ءَ اُرش ءُ دہ سالی زھگ ءِ شھید کنگ ءَ دُرسیں مردماں پادآھگ ءُ پاکستان ءِ بگیری ءَ کینگ ءِ درشان کنگی اِنت۔زریپ رند ءِ لیکہ ءُ پاکستان ءِ پریم ورک ءِ سیاست ءِ گون ءَ بگیری ءَ ابید کسے ءِ گس ءَ دور کنگ،تیرگواری ءَ زھگانی نشانگ کنگ ءَ نہ منّ ایں۔پاکستان ءِاے رویشت ءَ مئے گپ راست کُرتگ کہ اگاں تو یک بلوچے ءِ گڑا ترا چہ پاکستان ءَ آجوئی لوٹگی اِنت چے ءَ کہ اِد ءَ آپ،لین،جاندراھی آسراتی ءُ ھرچیز ءِ لوٹگ ءَ توگوں تیراں ژانگول کنگ بہ ئے۔


بنشون:درشان/اکس:زْرمبش