ریڈیو زْرمبش بلوچی | ریڈیو زْرمبش بلوچی

ھاران ءُ دشت ءَ پاکستانی لشکر ءِ سر ءَ اُرش ءَ سے کارمنْدانی کوش ءِ زمہ واری بی ایل ایپ ءَ منّ اتگ۔

ھاران ءُ دشت ءَ پاکستانی لشکر ءِ سر ءَ اُرش ءَ سے کارمنْدانی کوش ءِ زمہ واری بی ایل ایپ ءَ منّ اتگ۔

NOV

21
21 / 11 / 2022 بی این اے  ,  بی ایل ایپ 56

ھاران ءَ پاکستانی لشکر ءِ پانگس ءِ سر ءَ اُرش ءَ سے کارمند کشتگ، دشت کڈان بازار ءَ دو لشکری کارمندانی سر ءَ اُرش کرتگ۔ بی ایل ایپ ءِ جارکش میجر گھرام ءَ وتی شنگ کرتگیں درشانے ءَ گوشتگ کہ ھژدہ نومبر آدینگ ءِ بیگاہ ءِ ادار پنچ ءُ نیم ءَ مئے سرمچاراں ھاران ءِ لجے ءَ برجاھیں پاکستانی لشکر ءِ پانگس ءَ گوں وتکار ءُ مزنیں سلاھاں اُرش کرتگ۔ اُرش ءِ آسر ءَ پاکستانی لشکر ءِ سے کارمَنْد مرتگ ءُ چار ٹپی بیتگ۔ جارکش ءَ دیمتر ءَ گوشتگ کہ 21 نومبر ءِ سھب ءِ ادار دہ ءَ سرمچاراں ھما وھد ءَ پاکستانی لشکر ءِ دو کارمَنْد کیچ ءِ ھند دشت کڈان ءِ بازار ءَ دزگیر کنگ ءِ جھد کرتگ کہ آ نھادی ءَ بیتگ اَنت۔ ھمے وھد ءَ آیاں تیرگواری کرتگ ءُ جستگ اَنت۔ چہ سرمچارانی تیرگواری ءَ دوئیں کارمند ٹپی بیتگ اَنت۔ چہ مردمانی مچی ءُ پانگس ءِ نزیکی ءِ سوب ءَ سرمچاراں گیشتر تیرگواری نہ کرتگ دانکہ لّس آبادیاں تاوان مہ بیت۔ جارکش ءَ وتی درشان ءِ گُڈی ءَ گوشتگ کہ پاکستانی لشکر ءِ سر ءَ مئے اُرش داں زورگپتیں بلوچستان ءِ آجوئی ءَ برجاہ بنت۔ بنشون: درشان | اکس: زْرمبش