ریڈیو زْرمبش بلوچی | ریڈیو زْرمبش بلوچی

آواران ءَ دو جتاھیں اُرشانی زمہ واری بی ایل ایپ ءَ منّ اِتگ۔

آواران ءَ دو جتاھیں اُرشانی زمہ واری بی ایل ایپ ءَ منّ اِتگ۔

SEP

21
21 / 09 / 2022 بی ایل ایپ 54

بلوچستان آجوئی سنگر (بی ایل ایپ ) ءَ آواران ءِ ھند بزداد ءُ مالار ءَ اُرشانی زمہ واری منّ اِتگ۔ بی ایل ایپ ءِ جارکش میجر گھرام ءَ وتی شنگ کرتگیں درشانے ءَ گوشتگ کہ شازدہ ستمبر آدینگ ءِ روچ ءَ سرمچاراں آواران ءِ ھند بزداد ءَ پمپ ءِ نزیک ءَ پہ لشکر ءِ ترّ ءُ گرد کنگ ءَ جوڑ بیوکیں دگ ءِ پھازداریں لشکر ءُ کارکنوکانی سر ءَ گوں اسنائپر توپک، ایل ایم جی ءُ آدگہ وتکاریں سلاھاں اُرش کرتگ۔ اُرش ءِ آسر ءَ بازیں کارمندے ٹپی ءُ مالی تاوان ھم بیتگ۔ جارکش ءَ گوشتگ کہ شازدہ ستمبر آدینگ ءِ روچ ءَ آواران ءِ ھند مالار ءِ کھن ءَ مئے سرمچاراں پاکستانی لشکر ءِ پانگس ءَ گوں راکٹ ءُ وتکاریں سلاھاں اُرش کرتگ۔ اُرش ءِ آسر ءَ پاکستانی لشکر ءَ جانی ءُ مالی تاوان بیتگ۔ میجر گھرام ءَ گوشتگ کہ ما ھندی ٹیکدار پیش ءَ ھم کڈن کرتگ اَنت کہ آ پہ وتی نپاں چہ پاکستانی لشکر ءِ کمکاری ءَ دور بہ بنت۔ اگاں آ شر نہ بوت اَنت آیانی گوں ءَ میاربارانی وڑ ءَ پیش بہ ایں ءُ آ وتی جانی ءُ مالی تاوان ءِ زمہ وار وت اَنت۔ میجر گھرام ءَ وتی درشان ءِ گُڈی ءَ گوشتگ کہ داں زورگپتیں بلوچستان ءِ آجوئی ءَ مئے اُرش گوں ترندی ءَ برجاہ بنت۔ بنشون: درشان | اکس: زْرمبش