ریڈیو زْرمبش بلوچی | ریڈیو زْرمبش بلوچی

زھری ءَ لیوز گِس ءِ سر ءَ دستی بمب اُرش ءِ زِمہ واری بی ایل ایپ ءَ منّ اِتگ

زھری ءَ لیوز گِس ءِ سر ءَ دستی بمب اُرش ءِ زِمہ واری بی ایل ایپ ءَ منّ اِتگ

SEP

20
20 / 09 / 2022 بی ایل ایپ 38

بلوچستان آجوئی سنگر ( بی ایل ایپ) ءَ ھُزدار ءِ ھند زھری ءَ لیویز گِس ءِ سر ءَ دستی بمب اُرش ءِ زِمہ واری منّ اِتگ۔ بی ایل ایپ ءِ جارکشّ میجر گھرام ءَ وتی شِنگ کُرتگیں درشان ءَ گْوشتگ کہ 19 ستمبر دوشمبے ءِ روچ ءَ مئے سرمچاراں ھُزدار ءِ ھند زھری ءَ لیویز گِس ءِ سر ءَ دستی بمب اُرشے کرتگ، اُرش ءِ آسر ءَ لیویز گِس ءَ تاوان بیتگ ءُ بازیں کارمندے ٹپّی بیتگ۔ جارکشّ ءَ دیمتِر ءَ گْوشتگ کہ لیویز ءِ کارمند پاکستانی لشکر ءِ گْوشگ ءِ پد ءَ بلوچ جُھدکارانی بگیری ءَ چاڑِکّہ اَنت، ءُ آ زُورگِپتیں بلوچستان ءَ زُورگِریں پاکستان ءِ زورگپتی ءَ مُھکم ءُ کُمک کنگ ءَ اَنت۔ بی ایل ایپ ءِ جارکشّ میجر گھرام ءَ وتی درشان ءِ گڈی ءَ گْوشتگ کہ داں زُورگِپتیں بلوچستان ءِ آجوئی ءَ دُژمِنیں لشکر ءُ آئی کُمکّارانی سر ءَ مئے اُرش گوں تْرندی ءَ برجاہ بنت۔ بنشون: درشان | اکس: زْرمبش