ریڈیو زْرمبش بلوچی | ریڈیو زْرمبش بلوچی

زامران ءَ پاکستانی لشکر پانگس ءُ واشک ءَ کشندہ ٹولی ءِ سر ءَ اُرش ءِ زمہ واری بی ایل ایپ ءَ منّ اِتگ۔

زامران ءَ پاکستانی لشکر پانگس ءُ واشک ءَ کشندہ ٹولی ءِ سر ءَ اُرش ءِ زمہ واری بی ایل ایپ ءَ منّ اِتگ۔

NOV

17
17 / 11 / 2022 بی ایل ایپ 43

بلوچستان آجوئی سنگر ( بی ایل ایپ ) ءَ زامران ءَ پاکستانی لشکر ءِ پھازداریں پانگس ءِ سر ءَ اُرش ءِ زمہ واری منّ اِتگ۔ بی ایل ایپ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ 16 نومبر ءَ سرمچاراں زامران ءِ پُنگزان ءَ بُنجل ءِ پھازداریں پانگس ءَ بیگاہ ءِ ادار پنچ ءُ بیست ءُ پنچ ءَ گوں راکٹ ءُ مزنیں سلاھاں اُرش کرتگ، اُرش ءِ آسر ءَ دُژمنیں لشکر ءَ جانی ءُ مالی تاوان بیتگ۔ میجر گھرام ءَ گوشتگ کہ واشک ءِ ھند راگے سُکن ءَ آدینگ ءِ شپ ءَ ریاستی کارمندانی ڈوار ءِ سر ءَ اُرش کرتگ ءُ دو کارمنْد کشتگ۔ اے اُرش ھما وھد ءَ کرتگ کہ آ یک شوربندی یے رد ءَ یکجاہ بیتگ اَنت۔ آ پہ سرمچارانی سر ءَ اُرش ءِ چن ءُ لانچ ءَ بیتگ اَنت کہ سرمچاراں آیانی ساڑی بیگ ءُ شوربندی ءِ پیسر ءَ ھال سر بیتگ۔ سرمچاراں وھدے اُرش کرتگ اھمد الی ءُ زوھیر ء اھمد الی مرتگ اَنت، وھدے کہ آدگہ ھمبل تچگ ءَ سوبین بیتگ اَنت۔ اے دوئیں نھیم ءِ چیردستی ءَ ریاست ءِ پرمان ءَ بلوچانی بگیری ءَ کار کنگ ءَ بیتگ اَنت۔ آ گَل ءِ نیمگ ءَ باز براں کڈن کنگ بیتگ اَنت کہ پاکستانی لشکر ءِ کمک کنگ ءَ وت ءَ دور بدار اَنت بلے آ چہ وتی کارپداں شر نہ بیتگ اَنت۔ انگت ءَ اھمد الی ءِ بچ دل جان، رھمدل ءُ مھر اللہ سلاہ بند اَنت ءُ نھیم ءِ چیردستی ءَ ریاست ءِ کارمندی ءِ کردار ءَ پیلو کنگ ءَ اَنت۔ ما آیاں یک رندے پد ءَ کڈن کن ایں کہ آ بلوچ چکچینی ءَ چہ پاکستان ءِ کمک کنگ ءَ دور بہ بنت، اگاں نہ آ پھل کنگ نہ بنت، پمیشکا کہ چکیچینی ءِ ھواریں کجام ھم مردم ءِ سزا میان استمان ءِ راھبند ءِ رد ءَ بنت۔ جارکش ءَ وتی درشان ءِ گُڈی ءَ گوشتگ کہ دُژمنیں لشکر ءِ سر ءَ مئے اُرش داں زورگپتیں بلوچستان ءِ آجوئی ءَ برجاہ بنت۔ بنشون: درشان | اکس: دامگ