ریڈیو زْرمبش بلوچی | ریڈیو زْرمبش بلوچی

مند ءَ پاکستانی لشکر ءِ سے ایس ایس جی کماندارانی کوش ءِ زمہ واری بی ایل ایپ ءَ منّ اِتگ۔

مند ءَ پاکستانی لشکر ءِ سے ایس ایس جی کماندارانی کوش ءِ زمہ واری بی ایل ایپ ءَ منّ اِتگ۔

SEP

16
16 / 09 / 2022 بی ایل ایپ 67

بلوچستان آجوئی سنگر ( بی ایل ایپ ) ءَ کیچ ءِ ھند مند ءَ سے ایس ایس جی کماندارانی کوش ءُ یکّے ءِ ٹپّی کنگ ءِ زِمہ واری منّ اِتگ۔ بی ایل ایپ ءِ جارکشّ میجر گھرام ءَ وتی شِنگ کُرتگیں درشانے ءَ گْوشتگ کہ 9 ستمبر آدینگ ءِ روچ ءَ ادار ھپت ءَ کیچ ءِ ھند مند مزن بند ءِ کوھاں گریبیں کَور ءُ آئی کِر ءُ کشاں پاکستانی لشکر ءِ ایس ایس جی کمانداراں مئے سرمچارانی جاھاں پہ لشکرکشّی ءِ نیت ءَ اے ھند چہ جتا جتائیں نیمگاں انگر کرتگ۔ مئے سرمچاراں ھما وھد ءَ پہ وتی پھازدای ءَ جْوانیں جنگی شوندات کار گِپتگ اَنت ءُ آئی سر ءَ اُرش کُرتگ۔ جارکشّ ءَ وتی درشان ءَ دیمتِر ءَ گْوشتگ کہ اُرش ءِ آسر ءَ پاکستانی لشکر ءِ سے ایس ایس جی کماندار مُرتگ ءُ یکّے ٹپّی بیتگ۔ مئے سرمچاراں پاکستانی لشکر پد کِنز کرتگ ءُ پہ سلامتی درکپگ ءَ سوبین بیتگ اَنت۔ میجر گھرام ءَ وتی درشان ءِ گُڈّی ءَ گْوشتگ داں زُورگِپتیں بلوچستان ءِ آجوئی ءَ مئے اے اُرش دُژمِنیں لشکر ءِ سر ءَ گوں تْرندی ءَ برجاہ بنت۔ بنشون: درشان | اکس: زْرمبش