ریڈیو زْرمبش بلوچی | ریڈیو زْرمبش بلوچی

مند ءَ پاکستانی لشکر ءِ سر ءَ بمب اُرش ءِ زمہ واری بی ایل ایپ ءَ منّ اِتگ۔

مند ءَ پاکستانی لشکر ءِ سر ءَ بمب اُرش ءِ زمہ واری بی ایل ایپ ءَ منّ اِتگ۔

SEP

13
13 / 09 / 2022 بی ایل ایپ 213

بلوچستان آجوئی سنگر ( بی ایل ایپ ) ءَ مند ءَ پاکستانی لشکر ءِ سر ءَ اُرش ءِ زمہ واری منّ اِتگ۔ بی ایل ایپ ءِ جارکش میجر گھرام ءَ رسانکدر ءَ وتی شنگ کرتگیں درشان ءَ گوشتگ کہ گوستگیں روچ ءَ 12 ستمبر ءَ روچ ءِ ادار دوازدہ ءَ زورگپتیں بلوچستان ءِ دمگ کیچ ءِ ھند مند ءِ ھمزاھی کوہ ءَ مئے سرمچاراں زورگریں پاکستانی لشکر ھما وھد ءَ نشانگ کرتگ کہ آ پہ سیمسر ءَ ٹٹ کنگ ءَ سر بیتگ اَنت۔ جارکش ءَ گوشتگ کہ دُژمن ءِ گاڑی گوں چیرکرتگیں شورھاں نشانگ کرتگ کہ گاڑی سرجم ءَ تباہ بیتگ ءُ گاڑی ءَ سواریں پنچ کارمنْد مرتگ۔ میجر گھرام ءَ وتی درشان ءِ گُڈی ءَ گوشتگ کہ داں بلوچستان ءِ آجوئی ءَ زورگریں لشکر ءِ سر ءَ مئے اُرش مدام برجاہ بنت۔ بنشون: درشان | اکس: زْرمبش