ریڈیو زْرمبش بلوچی | ریڈیو زْرمبش بلوچی

بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں دراشانے ءَ گوشتگ کہ سرمچاراں 10 نومبر پنچ شمبے ءِ شپ ءِ ادار ھشت ءُ نیم ءَ کیچ ءِ بنجاھی شھر تُربَت ءَ بالی پٹ دگ ءِ چاراہ ءَ برجاھیں زورگریں لشکر ءِ پانگس ءَ دستی بمب اُرش کرتگ۔ دستی بمب سنگر ءِ تہ ءَ کپتگ چہ ایشی ءَ دُژمنیں لشکر ءِ یک کارمَنْدے مرتگ۔ جارکش میجر گھرام ءَ وتی درشان ءِ گُڈی ءَگوشتگ کہ زورگریں لشکر ءِ سر ءَ مئے اُرش داں زورگپتیں بلوچستان ءِ در آھگ ءُ داں آجوئی ءَ برجاہ بنت۔ بنشون: درشان | اکس: زْرمبش