ریڈیو زْرمبش بلوچی | ریڈیو زْرمبش بلوچی

بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشان ءَ گوشتگ کہ سرمچاراں آواران ءِ ھند جاؤ ءِ ڈولیجی ءَ 05 ستمبر سَے شمبے ءِ بیگاہ ءِ ھپت ءُ نیم ءَ زورگریں پاکستانی لشکر ءِ سر ءَ اُرش کُرتگ ءُ یک کارمندے کُشتگ ءُ دو ٹپی کُرتگ۔ آئی ءَ گوشتگ کہ بی ایل ایپ ءِ سرمچاراں گوں گھتریں کارشونیاں اُرش کُرتگ ءُ دُژمنیں لشکر ءِ یک کارمندے کہ چہ پانگس ءَ ڈن اوشتوک بیتگ گوں اسنائپر توپک ءَ نشانگ کُرتگ ءُ کُشتگ، پد ءَ دُژمن ءِ پانگس ءِ سر ءَ گوں گرنیڈ لانچر ءُ راکٹاں اُرش کُرتگ۔ اے اُرش ءَ دُژمنیں لشکر ءِ یک کارمندے مُرتگ ءُ دو ٹپی بیتگ۔ بی ایل ایپ ءِ جارکش میجر گھرام ءَ اُرش ءِ زمہ واری منّ اِتگ ءُ گوشتگ کہ داں زورگیپتیں بلوچستان ءِ آجوئی ءَ مئے اُرش زورگریں دُژمنیں لشکر ءُ آئی ءِ زورگری شوربندیانی سر ءَ برجاہ بنت۔   بنشون: درشان / اکس: زرمبش