ریڈیو زْرمبش بلوچی | ریڈیو زْرمبش بلوچی

راگے ءَ پاکستانی لشکر ءِ پانگس ءِ سر ءَ اُرش کُرتگ،بی ایل ایپ

راگے ءَ پاکستانی لشکر ءِ پانگس ءِ سر ءَ اُرش کُرتگ،بی ایل ایپ

NOV

25
25 / 11 / 2021 بی ایل ایپ 35

بلوچستان آجوئی سنگر ءِ جارکش میجر گھرام ءَ راگے ءَ پاکستانی لشکر ءِ سر ءَ اُرش ءِ زمہ واری منّ اِتگ ءُ گْوشتگ کہ واشک ءِ ھند راگے،بلوچ آباد ءَ 21 نومبر ءَ مگرب ءِ وھد ءَ برجاھیں پاکستانی لشکر ءِ پانگس ءِ سر ءَ سرمچاراں گوں اسنائپر توپک ءَ اُرش کُرتگ ءُ یک کارمندے کُشتگ ءُ ایشی ءَ پد گوں رکٹ ءُ نوکیں سلاھاں پانگس نشانگ کُرتگ چہ ایشی ءَ پانگس ءَ ساڑی ایں آدگہ کارمند مُرتگ ءُ ٹپی بیتگ اَنت۔ میجر گھرام ءَ گْوشتگ کہ ما گوں راج ءَ دزبندی کن ایں کہ آ چہ زورگر ءَ وت ءَ گستاہ بہ دار اَنت،راگے ءِ بازیں جاھاں ھندی مردم پاکستانی لشکر ءِ بنجل ءُ پانگساں رونت ءُ کاینت ما آیا مکن کن ایں چہ دُژمنیں لشکر ءَ وت ءَ گستاہ بہ دار اَنت اگاں نہ وتی جانانی تاوان ءِ زمہ ھرکس وت اِنت۔ آئی گْوشتگ کہ زورگریں لشکر ءِ سر ءَ مئے اُرش داں زورگیپتیں بلوچستان ءِ آجوئی ءَ برجاہ بنت۔ بنشون: درشان | اکس: زْرمبش