ریڈیو زْرمبش بلوچی | ریڈیو زْرمبش بلوچی

تمپ: پاکستانی لشکر ءِ سر ءَ اُرش کُرتگ، پنچ کارمند کُشتگ ءُ سلاہ دستیگ کُرتگ اَنت۔ بی ایل ایپ

تمپ: پاکستانی لشکر ءِ سر ءَ اُرش کُرتگ، پنچ کارمند کُشتگ ءُ سلاہ دستیگ کُرتگ اَنت۔ بی ایل ایپ

NOV

24
24 / 11 / 2021 بی ایل ایپ 97

بلوچستان آجوئی سنگر ءِ جارکش میجر گھرام ءَ کیچ ءَ پاکستانی لشکر ءِ سر ءَ اُرش ءِ زمہ واری منّ اِتگ ءُ گْوشتگ کہ سَے روچ ءِ بیگاہ ءِ اپنچ ءُ چِل ءَ سرمچاراں تمپ کلاھو ءَ پاکستانی لشکر ءِ پانگس ءِ سر ءَ اُرش کُرتگ۔تْرندیں اُرش ءِ زد ءَ پانگس ءِ پنچ کارمند مُرتگ ءُ دگہ سَے کارمند چہ نزیکیں کور ءَ تَتکگ اَنت۔ایشی ءَ پد سرمچار پانگس ءِ تھا گْوستگ ءُ دُرسیں سلاہ دستیگ کُرتگ اَنت ءُ پانگس مانداشتگ۔ ھمے میان ءَ چہ نزیکیں پانگس ءَ پہ کمکی دگہ ٹولی یے گوں زْرہ بندیں گاڑیاں سر بیتگ،بلے سرمچارانی اُرش ءَ پشکِنز بیتگ ءُ سرمچار دراھگ ءَ سوبمند بیتگ اَنت۔ میجر گہرام ءَ گْوشتگ کہ مئے اُرش داں بلوچستان ءِ آجوئی ءَ زوگریں پاکستانی لشکر ءِ سر ءَ یکشلہ برجاہ بنت۔ بنشون: درشان | اکس:بی ایل ایپ