ریڈیو زْرمبش بلوچی | ریڈیو زْرمبش بلوچی

بی ایل ایپ ءِ سرکماش ءَ وتی کلوھے ءَ چہ کورونا ءِ واگریں نادراھی ءَ پھریزگ ءِ دزبندی کُرتگ

بی ایل ایپ ءِ سرکماش ءَ وتی کلوھے ءَ چہ کورونا ءِ واگریں نادراھی ءَ پھریزگ ءِ دزبندی کُرتگ

JUL

18
18 / 07 / 2021 بی ایل ایپ 106

بلوچستان آجوئی سنگر (بی ایل ایپ) ءِ سرکماش ءَ وتی کلوھے ءَ گْوشتگ کہ چہ کورونا ءِ واگریں نادْراھی ءَ پھریز بہ کن اِت۔ مڑاھداریں سنگت ءُ ھمبلاں دْراہ بات اِت: چوش  کہ شما سرپد اِت چہ گْوستگیں دو سال ءَ  جھان ءِ توک ءَ مزنیں نادْرا ھی یے  کپتگ کہ نام ئِے ” کورونا” اِنت۔ اے  نادْراھی گوں دست ءُ دْروت بیگ، یک دومی ءِ نزدیک ءَ نندگ، یکیں تاس،کوپ یا دگہ ھیرانانی  توک ءَ ورگ ءُ چہ دگہ انچیں بازیں سبباں یک مردمے ءَ دومی مردم ءَ گوں تیزی ءَ گیپت۔ ھر کج ءَ ما  ءُ شما نشتگ ایں ھمے ھند ءُ دمگانی توک ءَ مرچاں کورونا سکا زیات اِنت۔ ما ءُ شما اے گپ ءَ ھم شری ءَ زان ایں کہ ما بزگ ءُ در پہ در ایں اگاں ما پھریز مہ کن ایں گڑا  ما اے نادْرا ھی ءِ دست ءَ  سک بزگ ءُ زیر بار بہ ایں۔ انوں مزنیں «ائید» نزیک اِنت۔ ائید ءِ روچ ءَ  یکے دومی ءِ لوگ ءَ روگ ، ائید مبارک کنگ مئے دود اِنت۔ بلے کورونا ءِ پد ءَ پہ ائید مبارکی ءَ یکے دومی ءِ لوگ ءَ رو ءُ آ کنگ، دست ءُ دْروت بیگ ءُ چہ مچی کنگ ءَ مزنیں کچے ءَ مردمان ءَ گپت کنت۔ پہ ھمیشی ءَ اچ شما درساں دزبندی اِنت کہ وت ءَ، وتی زھگ ءُ اوبادگ، سنگت ءُ ھمبل ءُ دوست ءُ دوزواھاں، آوانی کھولاں  چہ کورونا ءَ پھریزگ ءَ انوں آوکیں ائید ءَ چہ ائید مبارکی کنگ، دست ءُ دْروت بیگ ءُ چہ یکے دومی ءِ لوگانی روگ ءُ مچی کنگ ءَ پھریز بہ کن اِت۔ سر کماش بلوچستان آجوئی سنگر بی ایل ایپ رمس : 18 جولائی 2021 بنشون:بی ایل ایپ سرکماش/اکس:زْرمبش