ریڈیو زْرمبش بلوچی | ریڈیو زْرمبش بلوچی

گوادر: پاکستانی لشکر ءِ کاروان ءِ سر ءَ بی ایل ایپ ءِ اُرش ءَ کپٹن ئِے ءَ ھوار پنچ کارمند مُرتگ_ میجر گھرام

گوادر: پاکستانی لشکر ءِ کاروان ءِ سر ءَ بی ایل ایپ ءِ اُرش ءَ کپٹن ئِے ءَ ھوار پنچ کارمند مُرتگ_ میجر گھرام

JUL

15
15 / 07 / 2021 بی ایل ایپ 55

گوادر:بلوچستان آجوئی سنگر ءِ جارکش میجرگھرام ءَ گوادر دمگ ءَ پاکستانی لشکر ءِ سر ءَ اُرش ءِ زمہ واری منّ اِتگ ءُ گْوشتگ کہ چارشمبے ءِ شپ ءِ ادار ھشت ءَ پسنی سردشت کلانچ ءَ سرمچاراں پاکستانی لشکر ءِ دو گاڑی گوں چیرکُرتگیں شورھاں نشانگ کُرتگ۔یک گاڑی یے اُرش ءِ زد ءَ اتکگ ءُ سرجم ءَ تباہ بیتگ،گاڑی ءَ سواریں پنچ کارمند مُرتگ ءُ سَے سک ٹپی بیتگ۔ میجر گھرام ءَ گْوشتگ کہ مُرتگینانی تہ ءَ یک کپٹن ئِے ھم ھوار اِنت۔ میجرگھرام ءَ گْوشتگ کہ مئے اُرش داں زورگیپتیں بلوچستان ءِ آجوئی ءَ زورگریں پاکستانی لشکر ءِ سر ءَ برجاہ بنت۔ پاکستانی واکدارانی نیمگ ءَ بی ایل ایپ ءِ اُرش ءُ اُرش ءَ مُرتگینانی گپ راست کنگ بیتگ۔اے اُرش ءَ کپٹن آپان مسئود، لانس نائیک بابر زمان ، لانس نائیک ساجد ،نائیک تاھر ءُ سپاھی وکار مُرتگ اَنت۔ پاکستانی لشکر ءَ کپٹن آپان مسئود ءُ لانس نائیک بابر زمان ءِ مرگ راست کُرتگ اَنت ءُ آدگرانی بابت ءَ گْوشتگے کہ ٹپی اَنت۔ بی ایل ایپ ءَ گوادر ءِ ھند پسنی کلانچ ءِ میتگ بازواجہ ءِ ھدابکش بازار ءِ نزیک ءَ پاکستانی لشکر ءِ 63 پرنٹیئر پورس رجمنٹ ءِ کاروان نشانگ کُرتگ اَت،اُرش ءَ یک گاڑی یے چیرکُرتگیں شورھانی زد ءَ اتکگ ءُ سرجم ءَ تباہ بیتگ اَت۔ بنشون: درشان+اھوالکار | اکس: بی ایل ایپ بیرک