ریڈیو زْرمبش بلوچی | ریڈیو زْرمبش بلوچی

کولواہ ءَ پاکستانی لشکر ءِ گون ءَ دیم پہ دیمی میڑءَ شھید بیتگیں سرمچاراں دْروت ءُ ستک شانی ندر کناں۔بی ایل ایپ

کولواہ ءَ پاکستانی لشکر ءِ گون ءَ دیم پہ دیمی میڑءَ شھید بیتگیں سرمچاراں دْروت ءُ ستک شانی ندر کناں۔بی ایل ایپ

OCT

12
12 / 10 / 2021 بی ایل ایپ 92

بلوچستان آجوئی سنگر ءِ جارکش میجر گھرام ءَ شھید اسداللہ، شھید آکل، شھید سکی بکش ءُ شھید پرویز ستک شانی ندر کُرتگ اَنت ءُ گْوشتگ کہ آیاں کولواہ ءَ دُژمنیں لشکر ءِ دیم ءَ گوں جوانمردی ءَ جنگ داتگ ءُ شھید بیتگ اَنت۔ نوہ اکتوبر ءَ کولواہ ءِ مادگ کور ءَ سرمچارانی ءُ زورگری پاکستانی لشکر ڈیک دیئنت چہ ایشی ءَ دیم پہ دیمی میڑے بندات بیت۔سرمچار پاکستانی لشکر باز تاوان بار کن اَنت ءُ اے میڑ ءَ بی ایل ایپ ءِ چار سرمچار شھید پہ سرزمین بلوچستان ءِ آجوئی ءَ گوں جوانمردی ءَ جنگ دیان ءَ شھید بیت۔ شھید اسداللہ پنام میجر باسد جھمنند پسنی 2011 ءَ گوں بی ایل ایپ ءَ بلوچستان ءِ آجوئی ءِ سلاہ بندیں جُھد ءَ پاکستانی زورگری ءِ بگیری ءَ وتی کِرد ءَ پیلو کنگ ءَ بیتگ۔آئی چہ جُھد ءَ دزکش بیگ ءَ پاکستانی لشکر ءَ پہ لاچار کنگ ءَ آئی برات سابر زرانسری بیگواہ کُرتگ۔وھدے شھید پہ ایشی ءَ پریشان نہ بوت گڑا پاکستانی لشکر ءَ نومبر 2016 ءَ آزارجاہ ءَ آئی ءِ برات سابر شھید کُرت ءُ ژانگولیں لاش چگل دات ءُ پد ءَ دیم پہ دیمی میڑ ءِ نام دات۔چار مارچ 2016 ءَ آئی ءِ مات بی بی آمنہ پاکستانی لشکر ءِ تیرگْواری ءَ ٹپی بیتگ اَت۔وت میجر باسد سَے جنوری 2016 ءَ ڈیتھ اسکواڈ ءِ یک اُرشے ءَ ٹپی بیتگ اَت۔ھمے وڑ ءَ پاکستانی استان ءُ ڈیتھ اسکواڈ ءَ آئی ءِ سَے ناکو لال بکش شانزہ اکتوبر 2016، یوسپ بیست ءُ یک مارچ 2016 ءُ بابو یازدہ اگست 2018 ءَ شھید کُرتگ۔ شھید میجر باسد یک ورنا ءُ سوھویں سرمچارے بیتگ،آ بی ایل ایپ ءِ مکران دمگ ءِ پتر ءِ باسک ءُ میجرے ءِ اُگدہ ءِ سر ءَ بیتگ۔آئی بلوچی زبان ءَ شائری ھم کُرتگ۔ شھید باسد پسنی ءَ ھوار کولواہ ءِ جتائیں جنگی پڑاں دُژمن ءِ بگیری ءَ جنگانی بھر بیتگ ءُ اے دمگاں پہ گل ءِ دیمروی ءَ وتی کِردے پیلو کُرتگ۔ شھید آکِل ازاب پنام ریاز جھمنند پسنی 2012 ءَ بی ایل ایپ ءَ بندوک بیتگ۔آ لیپٹیننٹ ءِ اُگدہ ءِ سر ءَ بیتگ ءُ نیٹورک کماندارے بیتگ۔آئی پسنی کلانچ، کولواہ، بالگتر، زامران، گورکوپ،پروم ءُ جتاجتائیں دمگاں جنگی پڑ ءَ وتی کِرد پیلو کرتگ۔ شھید آکِل جان بلوچی زبان ءِ یک جوانیں شائرے ھم بیتگ۔ شھید آبد سوالی آئی برات اِنت کہ پاکستانی لشکر ءَ 2013 ءَ شھید کُرتگ۔ھمے وڑ ءَ چہ آئی کھول ءَ ھبیب، ھنیپ ءُ یوسپ پاکستانی لشکر ءَ شھید کُرتگ اَنت۔ لیپٹیننٹ سکی بکش ھسین ء مھمد ھسین پنام مرید 2013 ءَ گوں بی ایل ایپ ءَ بندوک بیتگ۔وتی جنگی سوھوی ءُ مزن پگر ءِ سْوب ءَ آ گل ءِ تہ ءَ لیپٹیننٹ ءِ اُگدہ ءِ سر ءَ بیتگ۔آئی آواران، کولواہ، گچک، کیلکور، اورماڑہ ءُ بالگتر ءَ جنگی پڑ ءَ دُژمن ءِ بگیری ءَ وتی کِرد پیلو کُرتگ۔ سرمچار پرویز مھر ء ناگمان پنام ملوک 2014 ءَ بی ایل ایپ ءَ ھوار بیتگ۔آ آواران، کولواہ، کیلکور، ءُ اورماڑہ ءَ بازیں جنگاں دُژمن ءِ بگیری ءَ وتی جوانمردی ءُ جوھر پیشداشتگ۔ بی ایل ایپ شھیدیں سرمچاراں “ دروت و سلام“ ندر کنت ءُ آیانی راجی لوٹ ءُ واھگاں داں بلوچستان ءِ آجوئی ءَ برجاہ دارگ ءِ کول کنت۔ بنشون: درشان | اکس: زْرمبش