ریڈیو زْرمبش بلوچی | ریڈیو زْرمبش بلوچی

شھیدشیھک پنام ناکو تلانگ ءَ سِتک شانی ندر کناں-بی ایل ایپ

شھیدشیھک پنام ناکو تلانگ ءَ سِتک شانی ندر کناں-بی ایل ایپ

OCT

07
07 / 10 / 2021 بی ایل ایپ 78

بلوچستان آجوئی سنگر (بی ایل ایپ) ءِ جارکش میجر گھرام ءَ شھید شیھک پنام ناکو تلانگ ءَ سِتک شانی ندر کُرتگ ءُ گْوشتگ کہ آ گوں وتی ھمبلے ءَ ھوار پنچ اکتوبر ءَ روچ ءِ ادار دو ءَ انجیر کان کلبر ءِ کوھی دمگ ناگ ءَ گَشت ءَ بیتگ کہ چہ پیش ءَ سنگر گیپتگیں استان ءِ کشندہ ٹولی (ڈیتھ اسکواڑ) ءِ کارمنداں تیر گْواری کُرتگ۔اے میان ءَ دراجیں میڑے بندات بیتگ،میڑ ءَ سرمچار سیکنڈ لیپٹیننٹ شیھک پنام ناکو تلانگ ء دلجان جھمنند تمپ سرنکن پہ جوانمردی جنگ دیان ءَ وتی ھمراھانی چہ دُژمن ءِ انگِر ءَ درکنگ ءَ سوبین بیتگ ءُ وت سرڈگار ءِ دیمپانی ءَ جنگ دیان ءَ شھید بیتگ۔اے میان ءَ کشندہ ٹولی ءِ کمک ءَ پاکستانی لشکر ھم جنگجاہ ءَ سر بیتگ۔ شھید شیھک 2013 ءَ گوں بی ایل ایپ ءَ پہ آجوئی ءِ سلاہ بندیں جُھد ءَ بندوک بیتگ۔آ سکیں جوانمرد ءُ باسمائیں آشوبی شائرے ھم بیتگ۔آئی تمپ، دشت، بالگتر، بلیدہ ءُ زامران ءَ وتی کِرد جوانیں رنگے ءَ پیلو کُرتگ۔چہ وتی سوھوی،ایماندار ءُ جپاکشیانی سْوب ءَ آ سیکنڈ لیپٹیننٹ ءِ اُگدہ ءِ سر ءَ بیتگ۔ما آئی ءَ ستک شانی پیش کنیں۔شھیدانی لوٹ ءُ واھگ بلوچستان ءِ آجوئی ءِ جُھد برجاہ بیت۔


بنشون:درشان | اکس: زْرمبش